ლილოში, გაფორმების ეკონომიკურ ზონასთან აქციის ერთ-ერთი მონაწილე თავის დაწვით იმუქრება.

მამაკაცი შენობის სახურავზე ავიდა, მიიყენა თვითდაზიანებები და ბენზინი გადაისხა. ის ფინანსთა მინისტრის ივანე მაჭავარიანის ადგილზე მისვლას, მასთან შეხვედრას და იმ ბრძანების გაუქმებას ითხოვს, რომლის თანახმადაც ქვეყანაში ხორბლის გადატანა ავტოსატრანსპორტო საშუალებებით უნდა აიკრძალოს.
მამაკაცი აქციის დანარჩენ მონაწილეებსაც მოუწოდებს სამინისტროში შეხვედრაზე არ მივიდნენ. 

ის აცხადებს, რომ ხორბლის სახმელეთო გზით გადაზიდვის იანვრამდე გადავადება არასაკმარისია და ამ ვადაში საბანკო ვალდებულებების შესრულებას ვერ შეძლებს.

მიმდებარე ტერიტორიაზე სასწრაფო დახმარება, სახანძრო სამსახური და სამართალდამცველები არიან მობილიზებული. 

ცნობისთვის, იმპორტიორები უკვე მე-4 დღეა ფინანსთა მინისტრის განკარგულებას აპროტესტებენ, რომლის თანახმად, 1 ოქტომბრიდან საქართველოში ავტოსატრანსპორტო საშუალებებით ხორბლის შემოტანა აიკრძალება და საქონლის შემოტანა/გატანა მხოლოდ სარკინიგზო და საზღვაო ტრანსპორტით იქნება შესაძლებელი. აღსანიშნავია, რომ იმპორტიორები ივანე მაჭავარიანს გუშინ სამინისტროში შეხვდნენ. შეხვედრისას მინისტრმა მათ აღნიშნული განკარგულების 3 თვით გადავადება შესთავაზა, თუმცა იმპორტიორებმა ხსენებულ შეთავაზებაზე უარი განაცხადეს და აღნიშნეს, რომ განკარგულება უნდა გაუქმდეს. 

ავტორი: ,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"