ზაზა სარალიძე შეუძლოდ გახდა - ის საავადმყოფოში გადაიყვანეს

2018-09-15 17:12:30, 1899 ნახვა

საზოგადოება

ხორავას ქუჩაზე მოკლული მოზარდის მამა, ზაზა სარალიძე, რომელიც პარლამენტის შენობასთან უკვე მე-6 დღეა შიმშილობს, შეუძლოდ გახდა.

სარალიძეს პირველადი დახმარება ადგილზე მყოფმა ექიმებმა გაუწიეს, თუმცა მოგვიანებით გადაწყდა, რომ ის საავადმყოფოში უნდა გადაიყვანონ. სარალიძე ინგოროყვას კლინიკაში გადაიყვანე, სადაც მას შესაბამისი გამოკვლევები ჩაუტარდება.

შეგახსენებთ, რომ ზაზა სარალიძემ და მალხაზ მაჩალიკაშვილმა პარლამენტის შენობასთან აქცია 10 სექტემბერს დაიწყეს. მაშინ სარალიძემ შიმშილობის დაწყების შესახებ განაცხადა. შვილმოკლული მამები ვადამდელი საპარლამენტო არჩევნების დანიშვნას, შს და იუსტიციის მინისტრების გადადგომას და მათი შვილების მკვლელების დასჯას ითხოვენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები