„აუცილებლად მივიჩნევ ყველა იმ საინფორმაციო სიხშირის დაუყონებლივ აკრძალვას, რომელიც ღიად ფინანსდებდა საქართველოს სახელმწიფოს მტრის მიერ“, - ამის შესახებ „ექსპრესნიუსს“ "ევროპის უნივერსიტეტის ინსტიტუტის“ დოქტორანტურის მკვლევარმა გრიგოლ გეგელიამ განუცხადა.

ამასთან, როგორც გეგელიამ აღნიშნა, აუცილებელია რუსეთის მიერ საქართველოს ოკუპაციის ფაქტის ნებისმიერი ფორმით უარყოფა, სისხლის სამართლებრივი დანაშაული გახდეს.

„აუცილებლად მივიჩნევ ყველა იმ საინფორმაციო სიხშირის დაუყონებლივ აკრძალვას, რომელიც ღიად (გინდ ირიბად) ფინანსდებდა საქართველოს სახელმწიფოს მტრის მიერ, საქართველოს სახელმწიფოსა და ქართველი ხალხის საუკეთესო ინტერესების წინააღმდეგ სამუშაოდ. ამასთანავე, აუცილებლად და გადაუდებლად მივიჩნევ რუსეთის მიერ საქართველოს ოკუპაციის ისტორიული ფაქტის ნებისმიერი ფორმით უარყოფა გახდეს სისხლის სამართლებრივი დანაშაული“,- განაცხადა გრიგოლ გეგელიამ

ცნობისთვის, ფონდმა „რუსულმა სამყარომ“ და შპს „როსტელეკომმა“, რომლის მფლობელობაშია კომპანია „სპუტნიკი“, ქართული ონლაინ და ელექტრონული მედიის გასაძლიერებლად 2015 წლის თებერვლიდან 25 მაისამდე 5 მილიონი დოლარი გადმორიცხეს. „ექსპრესნიუსისთვის“ ექსკლუზიურად გახდა ცნობილი, რომ ორივე რუსული ორგანიზაციიდან არაპირდაპირი დაფინანსება მიიღო მედიასაშუალებებმა geoworld.ge და „საქინფორმი“.

შეგახსენებთ, საქართველოს კანონმდებლობით უცხო ქვეყნიდან სხვადასხვა საქმიანობის დაფინანსება არ იკრძალება, თუმცა ფინანსური რესურსების მიმღებმა ორგანიზაციებმა, დონორების შესახებ ინფორმაცია გამჭირვალე უნდა გახადონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა