აღსრულების ეროვნული ბიუროს ინფორმაციით, შპს „ინჟინერთა ჯგუფის“ სააღსრულებო საქმისწარმოება ეფექტურად მიმდინარეობს.

როგორც ბიუროში აცხადებენ,  შპს ,,ინჟინერთა ჯგუფის“ მიმართ სააღსრულებო საქმისწარმოება დაწყებულია 10 აგვისტოდან და 34 საქმეს აერთიანებს.

„საქმისწარმოება თავისი შინაარსით და მოცულობით კომპლექსურია. თუმცა აღსრულების ეროვნულმა ბიურომ ეფექტური სააღსრულებო მოქმედებების განხორციელებით, უმოკლეს დროში, უზრუნველყო მოთხოვნილი თანხის უმეტესი ნაწილის, 300 ათას ლარამდე თანხის ამოღება. დანარჩენ ნაწილზე გრძელდება იძულებითი ღონისძიებები.

გამომდინარე იქიდან, რომ აღნიშნული საქმის ირგვლივ, ბიუროში შემოსულია არა ერთი საჩივარი აღსასრულებელი აქტების სამართლებრივი შესწავლის მოთხოვნით, აღსრულების ეროვნული ბიურო ახორციელებს საკითხის სამართლებრივ გამოკვლევას, რომლის დასრულების შემდეგ, ბიურო იმოქმედებს კანონის შესაბამისად და მოახდენს ამოღებული თანხის განკარგვას.

აღნიშნულ საქმესთან დაკავშირებით, აღსრულების ეროვნული ბიუროს მხარეთა ინტერესების დაცვის სამსახური შეხვდა კრედიტორ მხარეებს, რომელთაც, თანხის დროული მიღების მოთხოვნით, ბიუროს ეზოში აქცია გამართეს. შეხვედრაზე კრედოტორებს განემარტათ საქმისწარმოების მიმდინარეობის პროცედურები. აღსრულების ეროვნული ბიურო მაქსიმალურად მოკლე დროში და მხარეთა ინტერესების დაცვით, უზრუნველყოფს მოცემული საქმის აღსრულებას“, - ნათქვამია აღსრულების ეროვნული ბიუროს განცხადებაში.

(NS)

ავტორი: ,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ