თავდაცვის საკითხებში სამინისტროს სპეციალური ბრიტანელი მრჩეველი საქართველოს დღეს ტოვებს.

გამგზავრებამდე სტივენ გლოვერს საქართველოს თავდაცვის მინისტრის პირველი მოადგილე დავით ებრალიძე და სამინისტროს თანამშრომლები დაემშვიდობნენ. მათ სტივენ გლოვერს გაწეული დახმარებისთვის, თავდაცვის სფეროში ორმხრივი თანამშრომლობის გაღრმავებისთვის მადლობა გადაუხადეს და წარმატებები უსურვეს.

სტივენ გლოვერმა საქართველოს თავდაცვის სამინისტროს სამოქალაქო ოფისში მუშაობის პერიოდი დადებითად შეაფასა, ქართველ კოლეგებთან ნაყოფიერ თანამშრომლობას ხაზი გაუსვა და აღნიშნა, რომ მომავალშიც საქართველოს ახლო მეგობრად დარჩება.

დიდმა ბრიტანეთმა თავდაცვის სამინისტროში სპეციალური მრჩეველი ოთხი წლის წინ მოავლინა. სტივენ გლოვერი თავდაცვის უწყებას ბოლო წლებში განხორციელებული რეფორმების პროცესში დახმარებასა და კონსულტაციებს უწევდა. მან სამხედრო-სამოქალაქო თანამშრომლობის გაუმჯობესების კუთხით მნიშვნელოვანი როლი შეასრულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა