„მეკობრეების მიერ გემის გატაცების ფაქტი  არ დადასტურებულა, თუმცა ვერც ერთ ვერსიას ვერ გამოვრიცხავთ“, – ამის შესახებ საგარეო საქმეთა სამინისტროს საკონსულო დეპარტამენტის დირექტორის მოადგილემ, ვლადიმერ კონსტანტინიდმა პანამის დროშის ქვეშ მცურავი გემის, “პანტელენას” გაუჩინარებასთან დაკავშირებით  ტელეკომპანია „იმედის“ ეთერში განაცხადა.

როგორც ვლადიმერ კონსტანტინიდმა აღნიშნა, „პანტელენა“ ნავთობის ტრანსპორტირებას ახდენდა. მისი ინფორმაციით, სამძებრო სამუშაოებს გემთმფლობელი ბერძნული კომპანია Lotus Shipping-ი აწარმოებს.

„ვერცერთ ვერსიას ამ ეტაპზე ვერ გამოვრიცხავთ, ვინაიდან არ გვაქვს დადასტურებული მონაცემები ადგილზე რა მდგომარეობაა, თუმცა ერთ-ერთ ვერსიად შეგვიძლია განვიხილოთ, რომ მეკობრეებს შეიძლება ჰყავდეთ გემი გაჩერებული. ჯგუფმა უკვე დააგზავნა ცირკულარი ყურეში არსებული გემების შესახებ, რომ იმ შემთხვევაში თუ „პანტელენას“ დეფექცია მოხდება, დაუყონებლივ მოხდეს შესაბამისი ცენტრის ინფორმირება. კომპანია, რომელთანაც მუდმივ კავშირზე ვართ, არის სოლიდური კომპანია, საკმაოდ გამოცდილი, მათ მსგავსი შემთხვევები ჰქონიათ, ჰყავთ კრიზისული მენეჯმენტის საკმაოდ სერიოზული ჯგუფი და მზად არიან ნებისმიერი ვერსიის განსახილველად.რეგიონში მოგეხსენებათ, რამდენიმე ქვეყანაა, ძირითადია აქცენტი მოხდება გაბონზე, ვინაიდან გემი ბოლოს გაბონის პორტთან იდგა ღუზაზე. იმედი გვაქვს, რომ უახლოეს რამდენიმე დღეში ახალი ამბები გვექნება“, – განაცხადა ვლადიმერ კონსტანტინიდმა.

შეგახსენებთ, რომ „პანტელენას“ ბორტზე 17 ქართველი მეზღვაურია. გემთან კავშირი 14 აგვისტოს გამთენიისას გაწყდა. 

ავტორი: ,

სოციალური ქსელები

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა