იური ვაზაგაშვილის დაღუპვის ფაქტი ხელისუფლებისთვის ძალიან საგანგაშო და საყურადღებოა , - ასე გამოეხმაურა ადამიანის უფლებათა დაცვის კომიტეტის თავმჯდომარის მოადგილე გედევან ფოფხაძე იური ვაზაგაშვილის ტრაგიკულად დაღუპვის  ფაქტს.

მისივე თქმით, თუკი იური ვაზაგაშვილი მოკლულია, ეს დამნაშავის მხრიდან ძალიან ცინიკური ქმედებაა და სახელმწიფომ  მასზე რეაგირება უნდა მოახდინოს.

ფოფხაძის განმარტებით,  მომხდარის შესახებ სისხლის სამართლის სისტემის რეფორმის უწყებათაშორისი საკოორდინაციო საბჭოს სხდომაზე იუსტიციის მინისტრისგან შეიტყო.

„ჩვენ არ გვაქვს განსხვავებული ინფორმაცია, დარბაზში შევიტყვეთ მომხადრის თაობაზე იუსტიციის მინისტრის განცხადებით. შესაბამისად დამატებით ინფორმაციას ვერაფერს გეტყვით. თავისთავად ფაქტი საზოგადოებისთვის და ხელისუფლებისთვის ძალიან საგანგაშო და საყურადღებოა.  ეს ძალიან გამომწვევი საქციელია, თუ ადგილი აქვს მკვლელობას, ბუნებრივია, დამნაშავის მხრიდან ეს არის ძალიან ცინიკური ქმედება და ამაზე სახელწიფოს მხრიდან შესაბამისი რეაგირება უნდა მოხდეს. ამ ეტაპზე განსაკუთრებული შეფასების მიცემა ნამდვილად არ იქნება სწორი, უბრალოდ ვიტყვი, რომ თუ ჩვენ არ დავსჯით  იმ ადამიანებს, რომლებიც დანაშაულს ჩაიდენენ, ეს ისევ უარყოფითად აისახება იმ დაზარალებულზე , რომელიც ამ მართლმსაჯულებას ელოდა. შესაბამისად, ეს ფაქტი პოლიტიკოსებისა და საზოგადოების მხრიდან მტკივნეულად მიღებული უნდა იყოს“,-განაცხადა  გედევან ფოფხაძემ.

შეგახსენებთ, კასპის რაიონის სოფელ ყარაჯალაში იური ვაზაგაშვილი შვილის, ზურაბ ვაზაგაშვილის საფლავზე აფეთქდა. ტელეკომპანია „რუსთავი 2“-ის ინფორმაციით, იური ვაზაგაშვილი მაშინ აფეთქდა,  როდესაც ის გარდაცვლილი შვილის საფლავზე ყვავილებს ცვლიდა. გავრცელებული  ინფორმაციით,  საფლავი დანაღმული  იყო.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

ქუთაისში დაჭრილი კაცი კლინიკაში გარდაიცვალა, ორი პირი დააკავეს

რუსეთმა ოდესაზე მასშტაბური დარტყმა განახორციელა