მოსახლეობის უმრავლესობა მიიჩნევს, რომ საქართველო განვითარების კუთხით არ იცვლება

2018-08-01 11:21:37, 626 ნახვა

საზოგადოება

მოსახლეობის უმრავლესობა მიიჩნევს, რომ საქართველო განვითარების კუთხით არ იცვლება - NDI-ის კვლევა

"ეროვნულ-დემოკრატიული ინსტიტუტის" (NDI) კვლევის შედეგების მიხედვით, გამოკითხულთა უმრავლესობა მიიჩნევს, რომ საქართველო განვითარების კუთხით საერთოდ არ იცვლება.

კვლევის თანახმად, გამოკითხულთა 36% აცხადებს, რომ ქვეყანაში განვითარების კუთხით ვითარება საერთოდ არ იცვლება. 23% ფიქრობს, რომ ძირითადად არასწორი მიმართულებით ვითარდება, ხოლო 17% მიიჩნევს, რომ საქართველო სწორი მიმართულებით ვითარდება.

გამოკითხული მოსახლეობის 17% ამტკიცებს, რომ საქართველო არასწორი მიმართულებით ვითარდება.

ცნობისთვის, კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2,409 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები