2018-07-29 23:22:13, 1056 ნახვა
სხვადასხვა
ნიკოლოზ ბასილაშვილმა ჰამბურგის ტურნირი მოიგო - ვიდეო
ქართველმა ჩოგბურთელმა, ნიკოლოზ ბასილაშვილმა კარიერაში პირველად მოიგო პროფესიული ტურის (ATP) ტურნირი. მან გერმანიის ქალაქ ჰამბურგში ორ საათსა და 13 წუთში დაამარცხა არგენტინელი ლეონარდო მაიერი – 6:4, 0:6, 7:5.
ჰამბურგის ტურნირი განსაკუთრებულია ლეონარდო მაიერის კარიერაში – მას პროფესიულ ტურში ორი ტურნირი აქვს მოგებული და ორივე გერმანიის ამ ქალაქში: 2014 წელს ფინალში დავიდ ფერერს მოუგო, შარშან კი გერმანელ მოგვარეს ფლორიან მაიერს.
შეგახსენებთ, რომ ბასილაშვილმა ტურნირი საკვალიფიკაციო ეტაპიდან დაიწყო და ATP ტურნირი პირველად მოიგო.
ნიკოლოზ ბასილაშვილს გამარჯვებულის პრიზი ლეგენდარულმა გერმანელმა ჩოგბურთელმა მიხაელ შტიხმა გადასცა.
![]()
ავტორი: ,
epn.ge (@expressnews.ge)
