ბორის კაკუბავას [ხორავას ქუჩაზე მომხდარი ინციდენტის 2 მონაწილის ბაბუა] მიერ გავრცელებული სტატუსი, პირდაპირ შეიცავს დანაშაულის ნიშნებს და მკვლელთა ვინაობა ძალიან შემჭიდროვებულია, - ამის შესახებ პარლამენტის დროებითი საგამოძიებო კომისიის სხდომაზე ზაზა სარალიძის ადვოკატმა, ნესტან ლონდარიძემ განაცხადა.

მისი განმარტებით, კაკუბავას სტატუსში იკვეთება მკვლელობის დეტალები და ამას როგორც კომისიამ, ასევე შსს-მ, მნიშვნელოვაი ყურადღება უნდა მიაქციოს.

„ბორის კაკუბავამ გაავრცელა ინფორმაცია სტატუსის სახით, რომელიც ჩვენთვის ძალიან ბევრის მანიშნებელი იყო. ის საჯაროდ, დეტალურად აღწერს შემთხვევის ადგილზე განვითარებულ მოვლენებს და ჩვენ გვიჩნდება საფუძვლიანი ვარაუდი იმისა, რომ ამ ადამიანმა იცის უფრო მეტი, ვიდრე ამაზე საუბრობს. ამ სტატუსში არის ძალიან ბევრი დანაშაულის შემცველი ინფორმაცია. ამასთან დაკავშირებით ჩვენ მივმართეთ შინაგან საქმეთა სამინისტროს და მოვითხოვეთ რეაგირება. კაკუბავას სტატუსში არის საუბარი იმაზე, რომ "ჩემს შვილიშვილს ჩხუბი რომ სდომებოდა წაიყვანდა 50 მეგობარს, მაგრამ წაიყვანა 3, მომაკვდავი დავით სარალიძე ძირს ეგდო. როდესაც მიშა (მიხეილ კალანდია) და მისი მეგობრები გარბოდნენ, მათ წინ შეეფეთათ ლევან დადუნაშვილი, რომელსაც ჭრილობა პირდაპირ გულში მიაყენეს" - ეს დეტალები ჩემი მოსაზრებით პირდაპირ შეიცავს დანაშაულის ნიშნებს და ვფიქრობ, რომ საკმაოდ საყურადღებოა. ბევრი კითხვის ნიშნებია, თუ მომაკვდავი დავით სარალიძე ძირს ეგდო და სისხლისგან იცლებოდა და ამ დროს მიხეილი და მისი მეგობრები გარბიან, პირდაპირ შეიძლება ვიფიქროთ იმაზე, თუ რომელ წრეში უნდა ვეძიოთ მკვლელი. იგი საუბრობს, რომ იქ ბევრი ადამიანი არ იყო, იქ იყო მიხეილ კალანდია და მისი სამი მეგობარი, იმ პირთა წრე ძალიან შემჭიდროვდა, ვისშიც უნდა ვეძებოთ უშუალოდ მკვლელი. მეორე - ლევან დადუნაშვილს პირდაპირ გულში მიაყენეს ჭრილობა და პირდაპირ ნათქვამია მიშა და მისი მეგობრები რომ გარბოდნენ წინ შეეფეთა, აქაც პირდაპირ არის გარკვეული თუ რა ვითარებაში მოხდა, აქ ძალიან ბევრი კითხვის ნიშანია, რომელზეც თავად ბორისმა როდესაც ამ სტატუსს წერდა, არ იფიქრა“, -აღნიშნა სარალიძეების ოჯახის ადვოკატმა. 

ავტორი: ,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს