დედაქალაქის მერის კახა კალაძის განცხადებით, ქუჩის მუსიკოსების მიმართ სანქციები არ დაწესდება.

ამის შესახებ მან ჟურნალისტების კითხვის საპასუხოდ განაცხადა.

„არასწორ ინფორმაციას ავრცელებთ. არანაირი სანქციები არ წესდება, პირიქით ქუჩის მუსიკოსებს ჩვენი მხრიდან თანადგომა ექნებათ. ვცდილობთ, ამ ადამიანებს დავეხმაროთ, ხელი შევუწყოთ. ვმუშაობთ საინტერესო პროექტზე, ფესტივალის გაკეთება გვინდა“, - აღნიშნა დედაქალაქის მერმა.

მისივე თქმით, ქუჩის მუსიკოსებს შორის ბევრი ნიჭიერი ადამიანია, რომელსაც შესაბამისი ხელშეწყობა სჭირდება, რომ წარმატებას მიაღწიოს. 

„აქამდე ამ თემაზე არასდროს მისაუბრია - ნიჭიერი და წარმატებული ახალგაზრდებისგან შემდგარი ჯგუფი „ბანი“ წლების წინ მიწისქვეშა გადასასვლელში უკრავდა. იმ პერიოდში მილანში ვცხოვრობდი. სრულიად შემთხვევით ინტერნეტში ამ ბიჭების სიმღერა მოვისმინე. იმდენად მომეწონა, რომ საქართველოს ნაკრების თამაშზე ჩამოსვლის დროს, ამ ახალგაზრდებს შევხვდი. ყველანაირად დავეხმარე, ფინანსურად და ინსტრუმენტების შეძენით. ისინი წარმატებულები გახდნენ. დღეს  ჩემი საუკეთესო მეგობრები არიან. ქუჩის მუსიკოსებს ჩვენგან ყველანაირი ხელშეწყობა ექნებათ და ზოგადად ეს მიმართულება გაუმჯობესდება“, - განაცხადა კახა კალაძემ.

(NS)

ავტორი: ,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს