საგანგებო სიტუაციების მართვის სამსახურში, ძლიერი წვიმის გამო, ამ დრომდე დედაქალაქში 200-მდე გამოძახება დაფიქსირდა. 

სააგენტოს ინფორმაციით, გამოძახების უმეტესობა გზის დატბორვას უკავშირდებოდა.  მაშველებმა დატბორილი გზებიდან ავტომობილებში მყოფი მოქალაქეები გაიყვანეს.  ასევე მაშველები მთელი ღამის განმავლობაში დატბორილი შენობებიდან წყლის ამოტუმბვით სამუშაოებს ახორციელებდნენ.

საგანგებო სიტუაციების მართვის სამსახურის ცნობით, ყველაზე მეტი გამოძახება  დაფიქსირდა გლდანი-ნაძალადევის რაიონიდან. შეტყობინებები შესულია ასევე: დიდუბე-ჩუღურეთის, ისანი-სამგორისა და ვაკე-საბურთალოს რაიონებიდან.

თბილისის გარდა, უხვმა ნალექმა პრობლემები შექმნა რუსთავშიც, სადაც რამდენიმე ქუჩა დაიტბორა. რუსთავიდან ამ დროისთვის „112“-ში სულ სამი გამოძახებაა შესული.

„თბილისში მთელი ღამის განმავლობაში 30-მდე მეხანძრე მაშველი მუშაობდა. სტიქიის შედეგად არავინ დაშავებულა“, - აცხადებენ საგანგებო სიტუაციების მართვის სამსახურში.

ავტორი: ,

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს