ანტიოკუპაციური მოძრაობის „ძალა ერთობიაშია“ ლიდერის, დავით ქაცარავას ინფორმაციით, საოკუპაციო რეჟიმის წარმომადგენლის, ფილიპ ხაჩიროვის დაცვის წევრი, ასლან ჯიოევი თბილისში, ღუდუშაურის კლინიკაში იმყოფება.

როგორც ქაცარავა Facebook-ის საკუთარ გვერდზე წერს, ჯიოევი ახალგორის ე.წ. მილიციის უფროსის, ფილიპ ხაჩიროვის დაცვის წევრია, ხაჩიროვი კი, არჩილ ტატუნაშვილის მკვლელობის ორგანიზატორი.

„მივმართავ ჟურნალისტებს!!! გთხოვთ დაინტერესდეთ ასლან ჯიოევის ვინაობით, მისი მკურნალობის პროცესით და რა დამსახურებები აქვს ამ ადამიანს საქართველოს წინაშე(თუ არ ჩავთვლით იმას, რომ ეს ადამიანი იღებდა მონაწილეობას ქართველი ჯარისკაცების წამებაში, თუ ატ ჩავთვლით იმას რომ ჯიოევი გახლავთ ახალგორის მილიციის უფროსის ახლო ნათესავი და ფილიპ ხაჩიროვის დაცვის წევრი. ფილიპ ხაჩიროვის, რომელიც გახლავთ არჩილ ტატუნაშვილის მკვლელობის ორგანიზატორი!

მეგობრებო! თუ თქვენ ღუდუშაურის კლინიკაში ვინმე გეტყვით რომ ასლან ჯიოევი - ასეთი პაციენტი საერთოდ არც ყოფილა მიყვანილი საავადმყოფოში - არ დაუჯეროთ!!!ეს იქნება ტყუილი!!!!

მე გამაჩნია უტყუარი მტკიცებულება იმისა, რომ ასლან ჯიოევი შეყვანილია კლინიკაში 7 ივნისს და 9 ივნისის დილის 6 საათზე ჯერ კიდევ იმყოფებოდა კლინიკაში.

მე ამ მტკიცებულებას წარმოვადგენ იმ შემთხვევაში, თუ უცებ აღმოჩნდება რომ პაციენტი ჯიოევი არც არასოდეს ყოფილა მოთავსებული ღუდუშაურის კლინიკაში!

ასევე დარწმუნებული ვარ, ჯიოევს გააჩნია უმნიშვნელოვანესი ინფორმაცია ტატუნაშვილის მკვლელობასთან დაკავშირებით. საინტერესო იქნებოდა მისი „გამოკითხვა“ როგორც მინიმუმ...

და ერთიც - რატომ არ სარგებლობს საოკუპაციო ზონის მიმდებარე სოფლებში მცხოვრები მოსახლეობა იმავე სამედიცინო მომსახურებით, როგორიც აქვს ოს მოსახლეობას ოკუპირებულ ტერიტორიიდან?“, - წერს დავით ქაცარავა.

ავტორი: ,

სოციალური ქსელები

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა