საქართველოს პირველი დამოუკიდებელი რესპუბლიკის 100 წლის იუბილესთან დაკავშირებით, ღვინის ეროვნულ სააგენტოში შეხვედრა მევენახეობა-მეღვინეობის კოოპერატივების წარმომადგენლებთან გაიმართა.

სტუმრებს მასპინძლობა ღვინის ეროვნული სააგენტოს თავმჯდომარის მოადგილემ ანდრო ასლანიშვილმა, სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ და ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსმა ირაკლი ჩოლობარგიამ გაუწიეს.

შეხვედრაზე აღინიშნა, რომ სწორედ დამოუკიდებლობის მოპოვების პირველივე წლებიდან ჩაეყარა საფუძველი მევენახეობა-მეღვინეობის კოოპერატივების ჩამოყალიბებას, რაც ბოლო რამდენიმე წლის განმავლობაში განვითარების ახალ ეტაპზე  გადავიდა. სტუმრებმა მიიღეს ინფორმაცია  მევენახეობა-მეღვინოების განვითარების მიმართულებით მათთვის საინტერესო საკითხებზე, არსებულ გამოწვევებზე, ისაუბრეს პრობლემებზე და მათი გადაჭრის გზებზე, ასევე დაათვალიერეს სააგენტოში განთავსებული მარანი, ენოთეკა და მუზეუმი. დასასრულს მოეწყო სამეცნიერო ფილმის „საქართველო - ღვინის აკვანი" ჩვენება. 

ქართული ღვინის კულტურისა და ტრადიციების 8-ათასწლოვანი ისტორიის ფონზე, საქართველოს პირველი დამოუკიდებელი რესპუბლიკის შექმნა მეღვინეობის ინდუსტრიისა და დარგის მეცნიერული განვითარების მიმართულებისთვის მნიშვნელოვანი ბიძგის მიმცემი იყო. დამოუკიდებლობის მოპოვების პირველივე დღიდან, საქართველო ეკონომიკის აღდგენას შეუდგა, რომლის ერთ-ერთი საფუძველი სოფლის მეურნეობა და მევენახეობა-მეღვინეობის დარგი იყო.

(NS)

ავტორი: ,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო