28–30 აპრილს თბილისს რომის სიმფონიური ორკესტრის ქორმაისტერი, სტეფანო კუჩი ეწვევა. ის თბილისის სახელმწიფო ოპერისა და ბალეტის თეატრის გუნდთან მოსამზადებელ რეპეტიციებს ჩაატარებს.

ეკონომიკის სამინისტროს ინფორმაციით, ენიო მორიკონეს კონცერტის რეპერტუარი თბილისში უკვე გამოგზავნილია. აღსანიშნავია, რომ სტეფანო კუჩი დიდი ხანია, თანამშრომლობს მაესტრო მორიკონესთან. 

შეგახსენებთ, რომ ენიო მორიკონე პირადად უდირიჟორებს რომის სიმფონიურ ორკესტრს, რომელიც მასთან ერთად საქართველოში 18 მაისს ჩამოფრინდება. სცენაზე კომპოზიტორს, მისი ცნობილი კინომუსიკის შესასრულებლად, თბილისის სახელმწიფო ოპერისა და ბალეტის 70–კაციანი გუნდი შეუერთდება.

კონცერტი 19 მაისს, შეკვეთილში მდებარე „ბლექ სი არენაზე“ გაიმართება, დარბაზის 2018 წლის სეზონის გახსნის აღსანიშნავად. 

ენიო მორიკონეს კონცერტი საქართველოში მსოფლიო ტურნეს ნაწილია, რომლის ფარგლებშიც მსოფლიოს სხვადასხვა ქვეყანაში არაერთი ღონისძიება გაიმართა და ეძღვნება კომპოზიტორის 60–წლიანი ბრწყინვალე მუსიკალური კარიერის აღნიშვნას. 

ბილეთების ყიდვა მაესტრო მორიკონეს კონცერტზე დასასწრებლად შესაძლებელია ვებპორტალიდან www.tkt.ge. აღნიშნულ პორტალზე ბილეთები 20 აპრილიდან იყიდება.

(NS)

ავტორი: ,

სოციალური ქსელები

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა

აზერბაიჯანმა ირანული ავიაკომპანიების რეისები აშშ-ის სანქციების გამო შეაჩერა.