2018-04-18 12:53:27, 2877 ნახვა
სხვადასხვა
ყოფილი მინისტრი ალექსი პეტრიაშვილი ჟურნალისტი გახდა
BMG -ის გუნდს ახალი თანაწამყვანი და მიმომხილველი ემატება. ყოფილი სახელმწიფო მინისტრი ევროპასთან და ევროატლანტიკურ სტრუქტურებში ინტეგრაციის საკითხებში ალექსი (ბუკა) პეტრიაშვილი ახალი ამპლუით და კარგად ნაცნობი თემებით ტელეკომპანია "პირველზე" გადაცემა, “საქმიანი დილა”-ს თანაწამყვანი ხდება.
ალექსი პეტრიაშვილი მაყურებლებისთვის ყოველკვირეულ მიმოხილვებს, ინტერვიუებს და ვიდეო ბლოგებს მოამზადებს მსოფლიოში მიმდინარე ტენდენციებზე, მათ გავლენებზე მსოფლიო ეკონომიკაზე და გლობალურ წესრიგზე.
საქართველოს ერთერთი ყველაზე გამოცდილი დიპლომატი პოლიტიკური მიმომხილველის სტატუსით საქმიანი ადამიანებისთვის საინტერესო და მნიშვნელოვან თემებს მიმოიხილავს და მისი ბლოგები ასევე Forbes Georgia –ს გამოცემებშიც დაიბეჭდება.
![]()
ავტორი: ,
epn.ge (@expressnews.ge)
