პატრიარქი არჩილ ტატუნაშვილის ოჯახში მივიდა

2018-03-23 14:57:38, 1502 ნახვა

საზოგადოება

საქართველოს კათოლიკოს პატრიარქი ილია მეორე წილკანში, არჩილ ტატუნაშვილის ოჯახში მივიდა.

უწმინდესმა ოკუპირებულ ცხინვალში გარდაცვლილი ყოფილი სამხედროს ოჯახს მიუსამძიმრა.

ტატუნაშვილის ოჯახში ილია მეორე სულის მოსახსენიებელ პანაშვიდს აღავლენს. პატრიარქთან ერთად მეუფე შიო და სხვა სასულიერო პირები იმყოფებიან. უწმინდესს მედიასთან კომენტარი არ გაუკეთებია.

ცნობისთვის, არჩილ ტატუნაშვილს 24 თებერვალს, მუხათგვერდის ძმათა სასაფლაოზე დაკრძალავენ. მისი ცხედარი ქართულ მხარეს 20 მარტს გადმოეცა. ცხედარი თავდაპირველად ლევან სამხარაულის სახელობის ექსპერტიზის ეროვნულ ბიუროში გადაასვენეს, სადაც ექსპერტიზა დაახლოებით 7 საათის განმავლობაში მიმდინარეობდა. ამის შემდეგ, ტატუნაშვილი წილკანში, საკუთარ სახლში გადაასვენეს.

შეგახსენებთ, არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე. საერთაშორისო საზოგადოების მხრიდან უამრავი მოწოდებისა და საქართველოს ხელისუფლების მცდელობის მიუხედავად, ოჯახს ცხედარი ამ დრომდე არ გადასცემია. ასევე მასთან ერთად დააკავეს საქართველოს კიდევ ორი მოქალაქე, რომლებსაც 11 მარტამდე არ მიეცათ ქართული მხარის მიერ კონტროლირებად ტერიტორიაზე გადმოსვლის უფლება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები