„ანაკლია სითის“ მოწვევით, საქართველოში ამერიკელი პროფესორი, ინტერნეტისა და კომუნიკაციის სამართლის ექსპერტი, Cato Institute-ის მკვლევარი ტომ ბელი და მსოფლიოს 20-მდე ქვეყანაში ეკონომიკური ზონების განვითარების კონსულტანტი მაიკლ კასტლ მილერი ჩამოვიდნენ.

ვიზიტის მთავარი მიზანი „ანაკლია სითისთვის“ ქალაქისა და ეკონომიკური ზონის შესახებ კონსულტაცია, გამოცდილებისა და მსოფლიოს თანამედროვე და წარმატებული ანალოგიების გაზიარებაა.   

პროფესორმა, ტომ ბელმა „თიბისი გალერეაში“ თემაზე - „მომავლის ქალაქი“  საჯარო ლექცია გამართა. მან ანაკლიის პორტის მნიშვნელობაზე ისაუბრა და აღნიშნა, რომ ამ პროექტით საქართველოს აქვს შანსი, მსოფლიო ბაზარზე ინტეგრირდეს.

„ჩემმა კვლევებმა აჩვენა, რომ ანაკლიის პორტის პროექტი საქართველოს და მთლიანად რეგიონს დიდ შესაძლებლობას შესძენს. ამ შემთხვევაში ვგულისხმობ ეკონომიკური თვალსაზრისით განვითარებას. ბოლო პერიოდის განმავლობაში სპეციალური ეკონომიკური ზონები ძალიან პოპოლარულია მსოფლიოს მასშტაბით და ამას ბევრი კვლევა აჩვენებს. საქართველოს ამ ეტაპზე არც თუ ისე ბევრი ეკონომიკური ზონა გააჩნია, ამიტომ ეს შანსი უნდა გამოიყენოთ, მითუმეტეს, რომ საქართველო გეოპოლიტიკური თვალსაზრისით იძლევა იმის შესაძლებლობას, რომ ანაკლიის პორტის მეშვეობით ქვეყანამ თავისი სავაჭრო პოტენციალი გამოიყენოს. აქვე უნდა აღვნიშნო, რომ საქართველო ბიზნესის კეთების კუთხით ძალიან კარგი ქვეყანაა, მაგრამ უკეთესი შედეგის დადებაც შესაძლებელია მსგავსი პროექტებით“,- განაცხადა ტომ ბელმა.

როგორც „ანაკლია სითის“ აღმასრულებელმა დირექტორმა,  ქეთი ბოჭორიშვილმა აღნიშნა, ანაკლია საუკეთესო პროფესიონალების ჩართულობით განვითარდება.

„ქალაქ ანაკლიისა და სპეციალური ეკონომიკური ზონის განვითარებაზე მუშაობისას ჩვენ მაქსიმალურად შევისწავლით მსოფლიოს გამოცდილებას, რათა გავითვალისწინოთ საუკეთესო ან შევქმნათ ახალი და განსხვავებული; რაც მთავარია, ამ ყველაფერში მსოფლიოს წამყვანი ექსპერტები და მკვლევრები იქნებიან ჩართულნი. დღესაც, ჩვენ ამ სფეროში წამყვანი კომპანების სპეციალისტებს ვხვდებით, ვინც ქალაქების მართვისა და იურიდიული  კონსულტაციებით მსოფლიოს 20-მდე ქვეყანაში მუშაობდნენ. ანაკლია განვითარდება  საუკეთესო პროფესიონალების ჩართულობით“,- განაცხადა ქეთი ბოჭორიშვილმა.

მისივე განცხადებით, „ანაკლია სითის“ გუნდისთვის მნიშვნელოვანია, აღნიშულ სფეროში საერთაშორისო ექსპერტების გამოცდილების გაზიარების სასუალება საქართველოში სხვადასხვა სფეროების, მათ შორის  ახალი თაობის  წარმომადგენლებსაც მიეცეთ.

ვიზიტის ფარგლებში ტომ ბელი და მაიკლ კასტლ მილერი შეხვედრას ასევე, კერძო სექტორის წარმომადგენლებთან, სამთავრობო და არასამთავრობო უწყობებთან გამართავენ. 

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს