ისნის რაიონის გამგებლის კახა ლაბუჩიძის ინიციატივით, ყოფილი სამხედრო ჰოსპიტლის შენობაში, უკანონოდ შეჭრილი მოსახლეობის ელექტროენერგიით მომარაგების საკითხზე შეხვედრა გაიმართა.

ჰოლბრუკის ქუჩა N6-ში უკანონოდ შეჭრილ მოსახლეობას, რომელთაც კომპანია „თელასმა“ ელექტროენერგიის მოხმარებისთვის აბონენტად რეგისტრაცია მოსთხოვა, შესაბამის პროცედურებზე უარის თქმის მიზეზით, ამავე კომპანიამ დენის მიწოდება შეუწყვიტა.  

აღნიშნულ მისამართზე მცხოვრებმა ოჯახებმა დახმარებისთვის ისნის რაიონის გამგეობას მიმართეს, რისთვისაც მათ ისნის რაიონის გამგებელი „თელასის“ წარმომადგენელთან ერთად შეხვდა. შეთანხმების საფუძველზე, მოსახლეობას ელექტროენერგიის მიწოდება იმავე დღეს აღუდგა, იმ პირობით, რომ ისინი აბონირებისთვის ყველა საჭირო პროცედურას გაივლიდნენ. 

ისნის რაიონის გამგეობამ, მხარეებს შორის შუამავლობა იკისრა და დღეს, კახა ლაბუჩიძის ინიციატივით, აღნიშნულ კომპანიასა და მოსახლეებთან შეხვედრა გაიმართა, რათა 14 დღის ვადა, რომელიც მოსახლეობას „თელასმა“ აბონენტად დარეგისტრირებისთვის განუსაზღვრა, დროულად შესრულდეს და მოსახლეობა ელექტროენერგიის გარეშე კვლავ არ დარჩეს. 

შეხვედრაზე, გამრიცხველიანებისთვის ელექტროგაყვანილობის პროექტი განიხილეს და აბონირების პროცესის დასაჩქარებლად, მოლაპარაკება შედგა. 

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს