ნატო-სა და ევროკავშირის შესახებ საინფორმაციო ცენტრში უვიზო მიმოსვლის შესახებ საინფორმაციო კამპანიის მესამე ტალღის  პრეზენტაცია მიმდინარეობს, რომელსაც საგარეო საქმეთა მინისტრის მოადგილე ვახტანგ მახარობლიშვილი, იუსტიციის მინისტრის მოადგილე ალექსანდრე ბარამიძე და შსს-ს საერთასორისო ურთიერტობების სამსახურის ხელმძღვანელი ეკა მაჭავარიანი ესწრებიან.

როგორც ვახტანგ მახარობლიშვილმა ჟურნალისტებს განუცხადა, საინფორმაციო კამპანიის მესამე ტალღა მიმართული იქნება იმ კონკრეტულ გამოწვევებსა და პრობლემატიკაზე, რომელმაც უვიზო მიმოსვლის გამოყენების პროცესში იჩინა თავი:

„დღეს ვიწყებთ საინფორმაციო კამპანიის მესამე ტალღას, მოგეხსენებათ ჩვენ განვახორციელეთ პირველი ორი ეტაპი საინფორმაციო კამპანიისა, რომელიც უფრო მიმართული იყო მოსახლეობის ცნობადობის ამაღლებაზე, თუ რა უფლებები და მოვალეობები გვქონდა ჩვენ ევროკავშირის, შენგენის ზონაში უვიზოდ მიმოსვლის  კონტექსტში, ხოლო მესამე ტალღა უკვე მიმართული იქნება იმ კონკრეტულ გამოწვევებზე, იმ კონკრეტულ პრობლემატიკაზე, რომელმაც თავისი იჩინა უვიზო მიმოსვლის გამოყენების პროცესში. შესაბამისად, მიმართული იქნება უფრო თავშესაფრის  სისტემის უსაფუძვლოდ  გამოყენების კონტექსტზე.  თუ რა ზიანს  მიაყენებს უსაფუძვლო თავშესაფრის მოთხოვნა პირველ რიგში მოსახლეობას და ამავდროულად სახელმწიფოს. კრიმინალი არის ასევე ის თემა, რომელიც შეიძლება ითქვას,  გამოწვევად იქცა, რომელიც თანმხლებია სამწუხაროდ თავშესაფრის მოთხოვნის.მოსახლოების ის ნაწილი, რომელიც ითხოვს თავშესაფარს, სამწუხაროდ, ასევე ერთვება/ჩართულია კრიმინალში. მთავრობას დაწყებული აქვს რამოდენიმე მიმართულებით მუშაობა. ეს არის საინფორმაციო კამპანია, ეს არის საკანონმდებლო ცვლილებები. როდესაც ვსაუბრობთ საკანონმდებლო ცვლილებებზე, ჩვენ ხაზი უნდა გავსუვათ იმ ფაქტორს, რომ  ერთის მხრივ გავამკაცროთ გარკვეულწილად პროცედურები, მაგრამ  ამავედროულად არ უნდა შევზღუდოთ იმ მოსახლეობისთვის შესაძლებლობა, ისარგებლოს უვიზო რეჟიმით შენგენის ზონაში. ამავდროულად, ჩვენ ძალიან აქტიურად ვთანამშრომლობდით და გავაგრძელებთ თანამშრომლობას ჩვენს პარტნიორებთან, ევროპულ ქვეყნებთან, თუ როგორ შერიძლება  ერთობლივი ძალისხმევით მოიძებნოს გზები, რომ შემცირდეს და არ დადგეს უვიზო რეჟიმი საფრთხის წინაშე“,-განაცხადა ვახტანგ მახარობლიშვილმა.

ნატო-სა და ევროკავშირის შესახებ საინფორმაციო ცენტრის დირექტორის ნინო ბოლქვაძის განმარტებით, უვიზო მიმოსვლის შესახებ საინფორმაციო კამპანიის მესამე ტალღა კომპლექსური საინფორმაიცო კამპანია იქნება, რომელიც  შედგება როგორც მედიაკომპონენტისგან, ასევე საინფორმაციო მასალების მომზადებისგან:

„ მთელი  საქართველოს მასშტაბით ასამდე შეხვედრას ვატარებთ მხოლოდ მარტის თვეში, შემდეგ უკვე დავამუშავებთ სტატისტიკურ მონაცემებს, გავაანალიზებთ და შემდეგი თვის გეგმას ამის მიხედვით შევიმუშავებთ“,-აღნიშნა ნინო ბოლქვაძემ.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს