თბილისის მერის მოადგილე სოფიო ხუნწარია და მერიის ჯანდაცვისა და სოციალური მომსახურების საქალაქო სამსახურის უფროსი გელა ჩივიაშვილი, ლილოს მიუსაფართა თავშესაფარში იმყოფებოდნენ და არსებულ ვითარებას ადგილზე გაეცნენ.

თბილისის მერის მოადგილემ და საქალაქო სამსახურის უფროსმა თავშესაფრის საცხოვრებელი, სასადილო, სააბაზანო, სამრეცხაო, საშრობი ბლოკები და თავშესაფრის ბენეფიციართა მიერ შესრულებული ნამუშევრები დაათვალიერეს. ასევე, დაესწრნენ  თავშესაფრის ბენეფიციართა გეგმიურ-პროფილაქტიკურ სამედიცინო გამოკვლევებს. 

სოფიო ხუნწარიას განცხადებით, თბილისის მერია მიუსაფართა თავშესაფარში მცხოვრები მოქალაქეების რესოციალიზაციის მიმართულებით აქტიურად მუშაობს.

„გავიცანით საოცარი ადამიანები, რომლებიც აქ ცხოვრობენ. ისინი ძირითადად, შემოქმედებით  არიან  დაკავებული. მათ თავიანთი ხაზი  და  ნამუშევრები აქვთ. საოცარი ხელნაკეთი ნივთები აქვთ და ბუნებრივია, ძალიან მნიშვნელოვანია, რომ მუნიციპალიტეტმა ასევე იფიქროს, თუ კიდევ რით შეიძლება შევუწყოთ ამ ადამიანებს ხელი, თუნდაც დასაქმებისა და არტ-თერაპიის კუთხით, რომელიც შეიძლება მათი შემოსავლის წყარო გახდეს“, - განაცხადა სოფიო ხუნწარიამ.

დღეისთვის, თავშესაფარში 117 მიუსაფარი პირი ცხოვრობს. ბენეფიციარები ორჯერადი სრულფასოვანი კვებით არიან უზრუნველყოფილი.

„გავესაუბრეთ მიუსაფართა თავშესაფრის ბენეფიციარებს და მათი საჭიროებებიდან გამომდინარე, მერია მაქსიმალურად შეეცდება, რომ მომავალში გაითვალისწინოს ის ცვლილებები, რაც ამ ადამიანებს მომსახურებასა და საზოგადოებაში მათი რესოციალიზაციის მიზნით სურთ“, - განაცხადა გელა ჩივიაშვილმა.  

თბილისის მერიის კუთვნილი მიუსაფართა თავშესაფარი 2015 წლის დეკემბრიდან  ფუნქციონირებს და ერთდროულად, 240 ბენეფიციარის მომსახურების საშუალება აქვს. მიუსაფარი პირები თავშესაფარში პირველად ამბულატორიულ სამედიცინო მომსახურებას, მედიკამენტებს, პირადი მოხმარების ნივთებსა და ჰიგიენურ საშუალებებს 24 საათიან რეჟიმში იღებენ. მათ ხუთი სოციალური მუშაკი და საჭიროების მიხედვით, ფსიქოლოგი ემსახურება. 

(NS)

ავტორი: ,

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს