მრავალეროვნულ სამხედრო სწავლებას „Agile Spirit“ შესაძლოა, საზღვაო კომპონენტი დაემატოს.

ამის შესახებ საქართველოს თავდაცვის მინისტრმა ლევან იზორიამ პარლამენტში, თავდაცვისა და უშიშროების კომიტეტის სხდომაზე განაცხადა.

„სამხედრო სწავლებები სამხედრო მზადყოფნის ერთ-ერთი უმნიშვნელოვანესი კომპონენტია. მე მხოლოდ ორ მათგანზე გავამახვილებ განსაკუთრებულ ყურადღებას, თუმცა ასეთი ბევრი იყო. პირველ რიგში, ეს არის „ღირსეული პატნიორი“ და „მტკიცე სული“ (agile spirit). თქვენ იხილეთ რაოდენობა როგორც სამხედრო მოსამსახურეებისა, ისე შეიარაღების, იყო აშკარად გაზრდილი წინა წლებთან შედარებით და ეს ტენდენცია მომავალშიც გაგრძელდება. განსაკუთრებით „მტკიცე სულის“ სწავლებების ფარგლებში, ჩვენ გვსურს საზღვაო კომპონენტის შემოღებაც. ეს იყო ერთ-ერთი განხილვის თემა ბატონ ჯეიმს მატისთან (აშშ-ის თავდაცვის მდივანი) შეხვედრის დროს. ასე რომ ჩვენი ტენდენციები სამხედრო სწავლებების გაფართოების კუთხით მზარდია, რაც უმნიშვნელოვანესი ფაქტორია იმ მთავარი მიზნის მისაღწევად, რასაც ჩვენი შეიარაღებული ძალების სამხედრო მზადყოფნის გაძლიერება ჰქვია“, - განაცხადა ლევან იზორიამ.

ავტორი: ,

სოციალური ქსელები

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს

ბრალდებულმა ორი პირი ლიმონკით ააფეთქა, ერთი ადგილზე გარდაიცვალა, მეორე მძიმე მდგომარეობაში კლინიკაშია მოთავსებული

მეტროსადგური „თავისუფლების მოედანი” დროებით ვერ ემსახურება მგზავრებს

დამოუკიდებელი საქართველოს პირველი მთავრობის წევრი, აქტზე ხელმომწერი ნემო ბურჭულაძე გარდაიცვალა