„ვფიქრობ, ის ნარკოტიკების ზემოქმედების ქვეშაა“ - უკრაინელი ბლოგერი სააკაშვილის ვიდეოს აქვეყნებს

2017-12-12 19:39:32, 2427 ნახვა

სხვადასხვა

უკრაინელმა ბლოგერმა მიროსლავ ოლეშკომ გამოაქვეყნა ვიდეო, სადაც საქართველოს მესამე პრეზიდენტი მიხეილ სააკაშვილი გუშინ გამართულ სასამართლო სხდომაზე, "უცნაურად" იქცევა. ინფორმაციას Ria ავრცელებს.

მედია საშუალების ინფორმაციით, კადრებში ჩანს, რომ პოლიტიკოსს "თვალები აქეთ-იქით გაურბის" და "არაადეკვატურად იქცევა".

ამასთან, ბლოგერი წერს, რომ მსგავს მდგომარეობაში სააკაშვილი კამერებმა არაერთხელ დააფიქსირეს. ოლეშკომ ივარაუდა, რომ ყოფილი პრეზიდენტი ნარკოტიკული ნივთიერების ზემოქმედების ქვეშ იმყოფებოდა. სოციალური ქსელის მომხმარებლების ნაწილი ბლოგერს დაეთანხმა. ისინი წერდნენ, რომ სააკაშვილის ქმედებები "ნარკომანის ქმედებებს" ჰგავს.