6 დეკემბრის ანონსი

2017-12-05 22:00:00, 3869 ნახვა

სპეციალური ანონსი

6 დეკემბრის ანონსი

6 დეკემბერს, 11:00 საათზე, სატუმრო „თბილისი მარიოტში“ სახალხო დამცველი უჩა ნანუაშვილი პრევენციის ეროვნული მექანიზმის ანგარიშს წარადგენს, რომელიც პენიტენციურ სისტემაში ჯანმრთელობის უფლების დაცვის ხელშეწყობას შეეხება.

6 დეკემბერს, 11:00 საათზე, საქართველოს მთავარ პროკურატურასთან „ბავშვთა სამყაროს“ დაწვის შედეგად დაზარალებულები საპროტესტო აქციას გამართავენ.

6 დეკემბერს, 11:00 საათზე, სხვადასხვა უმაღლესი სასწავლებლის სტუდენტების მონაწილეობით ადამიანის უფლებათა დაცვისა და სამოქალაქო ინტეგრაციის კომიტეტის იმიტირებული სხდომა გაიმართება.
მის.: თბილისი, ილია ჭავჭავაძის სახელობის დარბაზი (C კორპუსი, V სართული).

6 დეკემბერს, 12:00 საათზე, პარლამენტის რიგგარეშე სხდომა გაიმართება.
მის.: ქუთაისი, პარლამენტის სხდომათა დარბაზი.

6 დეკემბერს, 12:00 საათზე იუსტიციის სამინისტროს ეროვნული არქივის საგამოფენო პავილიონში გამოიფინება „UNESCO"-ს მსოფლიო მეხსიერების რეესტრშიშეტანილი ქართული სახარება-პალიმფსესტი.

მისამართი: თბილისი, ვაჟა-ფშაველას გამზ. #1/ პეკინის გამზ. #40

6 დეკემბერს, 14:00 საათზე, „რუსთაველის“ მეტროსთან, ”ნაციონალური მოძრაობა” უკრაინაში მიხეილ სააკაშვილის ირგვლივ განვითარებულ მოვლენებთან დაკავშირებით ”ღირსების მანიფესტაციას” გამართავს.

6 დეკემბერს, 17:00 საათზე, გრიგოლ რობაქიძის სახელობის უნივერსიტეტში, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის სოფიო კილაძის საჯარო ლექცია გაიმართება.
მის.: თბილისი, დავით აღმაშენებლის ხეივანი, მე-13 კილომეტრი

6 დეკემბერს, 18:00 საათზე, რუსთაველის თეატრში - Welcome to Georgia! ტურიზმის ეროვნული დაჯილდოების მესამე ოფიციალური ცერემონია გაიმართება, სადაც ტრადიციულად გამოვლინდება გამარჯვებულები განსხვავებულ ნომინაციებში. დაჯილდოების ცერემონიას დაესწრებიან: პირველი ვიცე პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი; საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე.