იუსტიციის სამინისტროს სახელმწიფო სერვისების განვითარების სააგენტო საქართველოს კიბერუსაფრთხოებისა და ინფორმაციული ტექნოლოგიების განვითარების მე-10 საიუბილეო რეგიონულ კონფერენცია-კონკურსზე ორი ჯილდოს მფლობელი გახდა.

საქართველოს იუსტიციის სამინისტროს მმართველობის სფეროში მოქმედი სსიპ „მონაცემთა გაცვლის სააგენტოსა“ და „ICT ბიზნესსაბჭოს“ ორგანიზებით რიგით მე-10 ყოველწლიური რეგიონული კონფერენცია დასრულდა.

სერვისების განვითარების სააგენტომ ჯილდოები საუკეთესო IT მენეჯმენტისა და საუკეთესო მუნიციპალური ელექტრონული გადაწყვეტის ნომინაციებში მოიპოვა.

კონფერენციის მთავარ თემას კიბერუსაფრთხოებასთან დაკავშირებული საკითხები და ინფორმაციული ტექნოლოგიების განვითარების მიმართულებები წარმოადგენდა.

ღონისძიება, ტრადიციულად, საქართველოს იუსტიციის მინისტრმა თეა წულუკიანმა გახსნა.

როგორც იუსტიციის მინისტრმა აღნიშნა, 2008 წლის აგვისტოს ომის შემდეგ დაფუძნებული კონფერენცია წლიდან წლამდე სულ უფრო მეტ სტუმარს მასპინძლობს: „დღეს ჩვენ გვყავს მონაწილეთა რეკორდული მაჩვენებელი, რომლებიც არა მხოლოდ მეზობელი, არამედ შორი ქვეყნებიდანაც გვესტუმრნენ. ეს ადამიანები არიან პროფესიონალები თავიანთ სფეროში და საინტერესო პროექტებს წარმოადგენენ სახელმწიფო მმართველობის სფეროში, სახელმწიფოსა და ბიზნესს შორის ურთიერთობაში, და მოქალაქეებთან ურთიერთობაში როგორ უნდა გამოვიყენოთ ახალი ტექნოლოგიები... ვისაუბრეთ იმაზე, თუ როგორ უნდა გავუსწოროთ თვალი ჩვენს ერთ-ერთ მთავარ გამოწვევას − ის, რომ ახალი ტექნოლოგიები არა მხოლოდ დიდ ქალაქებში, არამედ სოფლებშიც იყოს, მათ შორის, ბავშვებისთვის ხელმისაწვდომი, რასაც ემსახურება სწორედ ჩვენი საზოგადოებრივი ცენტრების პროექტიც “, − განაცხადა მინისტრმა.

კიბერუსაფრთხოების კონფერენცია უკვე მეათე წელია, ტარდება. მას მოპოვებული აქვს საერთაშორისო აღიარება როგორც ინფორმაციულ-საკომუნიკაციო სფეროში ერთ-ერთ წამყვან ღონისძიებას. წელს ის რეკორდული რაოდენობის სტუმარს დახვდა − წლევანდელმა კონფერენციამ 30-ზე მეტი ქვეყნის 600-მდე წარმომადგენელს უმასპინძლა.

კონფერენციაზე განსაკუთრებული ყურადღება დაეთმო როგორც საქართველოში, ისე რეგიონში ელექტრონული მმართველობის განვითარების საკითხებს, ინფორმაციული და კიბერუსაფრთხოების პროექტებს, ასევე, ამ პროექტებში ტექნოლოგიური ინოვაციების დანერგვის პროცესს. კონფერენციის დამსახურებით, წლიდან წლამდე უმჯობესდება ინოვაციური პროექტების ხარისხი, რაც უზრუნველყოფს მოქალაქეებისთვის უკეთესი ელექტრონული სერვისების ხელმისაწვდომობას.

კონფერენციის მე-2 სამუშაო დღე მთლიანად ინფორმაციული და კიბერუსაფრთხოების საკითხებს დაეთმო. კიბერუსაფრთხოების შესახებ პრეზენტაციები გააკეთეს ამ მიმართულების მსოფლიოში აღიარებულმა ექსპერტებმა.

კონფერენცია, ტრადიციულად, წლის საუკეთესო IT პროექტების ავტორთა დაჯილდოების ცერემონიალით 17 ნოემბერს დასრულდა. წელს 15 ნომინაციაში როგორც საჯარო, ისე კერძო სექტორიდან 50-მდე პროექტი იყო წარდგენილი.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა