იუსტიციის სამინისტრომ ქალთა მიმართ და ოჯახში ძალადობის წინააღმდეგ კამპანიის ფარგლებში წარმოებული უფასო ტრენინგების 6-თვიანი კურსი დაასრულა. დღეს ტრენინგების შედეგები იუსტიციის მინისტრმა თეა წულუკიანმა და იუსტიციის სასწავლო ცენტრის ხელმძღვანელმა ხათუნა კასრაძემ შეაჯამეს.

ღონისძიებაზე გადაწყდა, რომ   იუსტიციის სასწავლო ცენტრში ქალთა მიმართ და ოჯახში ძალადობის წინააღმდეგ შემუშავებული ცნობიერების ასამაღლებელი სპეციალური სატრენინგო მოდულის  ფართოდ გამოყენება მოხდება.

სპეციალურად მომზადებული პროგრამით ტრენინგის მონაწილეები მიიღებენ ინფორმაციას, თუ რა არის ძალადობა, როგორ შეიძლება ის ვლინდებოდეს, რა ზეგავლენა აქვს მას პიროვნებასა და საზოგადოებაზე; გაეცნობიან ძალადობის აღსაკვეთად და მსხვერპლთა დასაცავად დღეს არსებულ მექანიზმებს. მსმენელებს გაუღრმავდებათ ცოდნა იმის შესახებ, თუ როგორ დაეხმარონ მსხვერპლს და როგორ ამოიცნონ ძალადობის ესა თუ ის ფორმა. სწავლება მათ საშუალებას მისცემთ, უკეთ დაიცვან საკუთარი უფლებები და, საჭიროების შემთხვევაში, ისარგებლონ სახელმწიფოს მიერ შეთავაზებული დახმარებით.

აღნიშნული ტრენინგ-მოდულის გარდა, იუსტიციის სასწავლო ცენტრი მოქალაქეებს აძლევს შესაძლებლობას უფასოდ გაიარონ ტრენინგები შემდეგ თემებზე:
1)            „სამართალი და ადამიანის უფლებები"
2)            „კონსტიტუციურ ორგანოთა სისტემა და ადგილობრივი თვითმმართველობა"
3)            „დისკრიმინაცია"
4)            „ოჯახში ძალადობასთან ბრძოლის სამართლებრივი საშუალებები"
5)            „რა არის ევროკავშირი?"
6)            „საკუთრების უფლება, საგადასახადო და სამეწარმეო სამართლის საბაზისო ცნებები"
7)            ადამიანის ღირსება, როგორც ძირითადი უფლება;
8)            პირადი ცხოვრების და პირადი კომუნიკაციის ხელშეუხებლობა;
9)            გამოხატვის თავისუფლება;
10)          შემოქმედებითი თავისუფლება;
11)          თავისუფლების ძირითადი უფლება, ფიზიკური ხელშეუხებლობის უფლება, უდანაშაულობის პრეზუმფცია;
12)          ნარკოტიკული დანაშაულები- ნარკომანიის წინააღმდეგ ბრძოლის სტრატეგია საქართველოში
13)          საოჯახო და მემკვიდრეობითი სამართალი (ზოგადი ცნებები)
14)          ბავშვთა უფლებები
15)          სახელშეკრულებო სამართალი-ყველაზე ტიპური ხელშეკრულებები
16)          კიბერდანაშაული
17)          სისხლის სამართლის პრაქტიკული საკითხები
მთლიანობაში, იუსტიციის სასწავლო ცენტრს სამართლებრივი, სოციალური, ფინანსური და ინფორმაციული ტექნოლოგიების მიმართულებით 100-ზე მეტი ტრენინგის მოდული აქვს.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა