18-19 ნოემბერს, წყალტუბოს ცენტრალურ სტადიონსა და სტადიონ მცხეთა-პარკზე სტრატს აიღებს სამოყვარულო საფეხბურთო ჩემპიონატის - „მოყვარულთა თასი 2017-ის“ ფინალური ეტაპი, რომელშიც 16 სამოყვარულო საფეხბურთო კლუბი მიიღებს მონაწილეობას. გუნდები ტერიტორიული პრინციპით დასავლეთ და აღმოსავლეთ ზონებში განაწილდებიან. დასავლეთ ზონის მატჩები 18-19, 25 ნოემბერს და 2 დეკემბერს გაიმართება წყალტუბოს ცენტრალურ სტადიონზე, ხოლო აღმოსავლეთ ზონის მატჩები - 18-19, 26 ნოემბერს და 3 დეკემბერს სტადიონ მცხეთა-პარკზე. „მოყვარულთა თასი 2017-ის“ ჩემპიონი 9 დეკემბერს გამოვლინდება. ფინალურ მატჩში ერთმანეთს დასავლეთ და აღმოსავლეთ ზონების გამარჯვებული გუნდები დაუპირისპირდებიან.

„მოყვარულთა თასი 2017-ის“ ფინალურ ეტაპზე ასპარეზობენ რეგიონალური ლიგების გამარჯვებული გუნდები და თბილისის მერიის თასის ფინალისტები.

„მოყვარულთა თასი 2017“ საქართველოს სამოყვარულო ფეხბურთის ასოციაციისა და საქართველოს ფეხბურთის ფედერაციის ერთობლივი ორგანიზებითა და ქართული ფეხბურთის განვითარების ფონდის ფინანსური მხარდაჭერით ხორციელდება. პროექტმა სტარტი აიღო 2017 წლის 19 აპრილს ოზურგეთის მუნიციპალიტეტში და მასში მთელი ქვეყნის მასშტაბით მონაწილეობა მიიღო 300-მდე სამოყვარულო საფეხბურთო გუნდმა და 8000-მდე მოყვარულმა ფეხბურთელმა.

პროექტის საინფორმაციო მხარდამჭერები არიან: ტელეკომპანია „აჭარა“, ტელეკომპანია „თრიალეთი“.

 ინტერნეტ პორტალები: “sportstar.ge”, „მსოფლიო სპორტი“, “1news.ge”, “epn.ge”, “ავტორადიო”, რადიო „ჯაკო“.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა