გუშინ ღამით, გამრეკელის ქუჩაზე ბერი ნიკოლოზ მაქარაშვილის მრევლი სამართალდამცველებს ფიზიკურად დაუპირისპირდა. თავად მაქარაშვილმაც პოლიციელს ფიზიკური შეურაცხყოფა მიაყენა და მას ხელი დაარტყა.

ფიზიკურ დაპირისპირებამდე ბერმა სამართალდამცველთა კორდონის გარღვევა მანქანითაც სცადა. 

რამდენიმე ასეული პოლიციელისგან შემდგარი კორდონები გამრეკელის ქუჩაზე მთელი საღამოს განმლოაბში იმ სახლთან იყო მობილიზებული, სადაც სასულიერო პირი ბოლო თვეების განმლობაში ცხოვრობდა. უთანმხმოება მას შემდეგ დაიწყო, რაც ბინის მეპატრონემ ნიკოლოზ მაქარაშვილს სახლის დაცლა მოსთხოვა. 

ვითარება ადგილზე მას შემდეგ განიმუხტა, რაც ბერმა ნიკოლოზმა მხარდამჭერებთან ერთად ტერიტორია დატოვა.

"წმინდა მოძღვარი იდევნება, 35 წელიწადი იდევნებოდა მამა გაბრიელი და ეხლა დევნიან მის ერთადერთ შვილს და მემკვიდრეს, წმინდა ბერ ნიკოლოზს. საპატრიარქოს დავალებით არ უშვებენ მის საცხოვრებელ სახლში,"-აცხადებს ბერის ერთ-ერთი მხარდამჭერი.

ინფორმაციას "რუსთავი 2" ავრცელებს.

ცნობისთვის, ეს პირველი შემთხვევა არ არის, როცა ნიკოლოზ მაქარაშვილის მრევლი მისი ნაქირავები სახლიდან გამოსახლებას აპროტესტებს. 2017 წლის ზაფხულშიც, ისინი ძალის გამოყენებით შეეცადნენ სახლში შეღწევას. მაქარაშვილის მომხრეების ნაწილი შენობის სახურავზეც ავიდა და თვითმკვლელობით იმუქრებოდა. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა