შსს: ნუცუბიძეზე მამაკაცის დასახმარებლად სასწრაფო დახმარება პირველად პატრულ-ინსპექტორმა გამოიძახა

2017-10-26 20:12:36, 2156 ნახვა

საზოგადოება

შინაგან საქმეთა სამინისტროს ინფორმაციით, ნუცუბიძის მე-4 პლატოზე ახალგაზრდა მამაკაცის დასახმარებლად სასწრაფო დახმარების ბრიგადა პირველად პატრულ-ინსპექტორმა გამოიძახა, - ამის შესახებ "ექსპრესნიუსს" შშს-დან აცნობეს.

როგორც უწყების მიერ გავრცელებულ ინფორმაციაშია ნათქვამი, სასწრაფო სამედიცინო დახმარების ბრიგადა შემთხვევის ადგილზე 17 საათსა და 08 წუთზე მივიდა.

"112“-დან მიღებული მონაცემების თანახმად, მიმდინარე წლის 25 ოქტომბერს, თბილისში, ნუცუბიძის პლატოზე, პატრულ-ინსპექტორმა სასწრაფო სამედიცინო დახმარების გამოძახების თაობაზე შეტყობინება 16:59:18 საათზე განახორციელა. ამავე თემაზე, აღნიშნული მისამართიდან, მომდევნო ზარი მოქალაქის მხრიდან, „112“-ში 16:59:50 საათზე დაფიქსირდა.

საპატრულო პოლიციის მიერ „112“-ში ზარის დაფიქსირებისთანავე, შეტყობინება გადაეცა სასწრაფო სამედიცინო დახმარების სამსახურს. სასწრაფო სამედიცინო დახმარების ბრიგადა შემთხვევის ადგილზე 17 საათსა და 08 წუთზე მივიდა", - ნათქვამია განცხადებაში.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები