2017-10-16 15:20:49, 2132 ნახვა
საზოგადოება
ქინძმარაულის ქუჩაზე აფეთქების შედეგად დაშავებული ერთი პირის მდგომარეობა მძიმეა
ქინძმარაულის ქუჩაზე გაზგასამართი სადგურის ტერიტორიაზე მომხდარი აფეთქების შედეგად დაშავებული 3 ადამიანიდან ერთის მდგომარეობა მძიმეა.
61 წლის მამაკაცი რეანიმაციულ განყოფილებაშია მოთავსებული.
როგორც „ექსპრესნიუსს“ ხეჩინაშვილის სახელობის საუნივერსიტეტო კლინიკის დამწვრობის ცენტრის მთავარმა ქირურგმა გუგა ქაშიბაძემ განუცხადა, მას სხეულის 50%-იანი დამწვრობა აღენიშნება.
„აღენიშნება თავის, ზემო და ქვემო კიდურების დამწვრობა. ასევე სასუნთქო გზების დაზიანება და დამწვრობითი შოკი“, - განაცხადა გუგა ქაშიბაძემ.
კიდევ ერთ დაშავებულს, 51 წლის მამაკაცს მტევნებზე ზედაპირული დამწვრობა აღენიშნებოდა. მას ამბულატორიული მკურნალობა ჩაუტარდა და სახლში გაწერეს. მესამე დაშავებულის საავადმყოფოში გადაყვანა საჭირო არ გახდა.
![]()
ავტორი: ,
epn.ge (@expressnews.ge)
