ამერიკის შეერთებული შტატების კონგრესმა სახელმწიფო დაწესებულებებს, ანტივირუსული პროგრამა "კასპერსკის" გამოყენება აუკრძალა, - ამის შესახებ Bloomberg-ი იუწყება.

მედია საშუალების ინფორმაციით, ეს ცვლილება, 2018 წლის ფინანსურ ბიუჯეტში შეიყვანეს. მას მხარი 89 სენატორმა დაუჭირა, 8 სენატორი წინააღმდეგი იყო. კონგრესმენები ვარაუდობენ, რომ "კასპერსკის" პროდუქციაში შესაძლოა დამატებული იყოს ჰაკერული სისტემა ინფორმაციის გამოძალვისთვის.

13 სექტემბერს, ამერიკის შინაგან საქმეთა სამინისტრომ ქვეყნის ყველა სამოქალაქო სახელმწიფო დაწესებულებას მოუწოდა, 90 დღის განმავლობაში „კასპერსკის“ ყველა პროდუქტი წაეშალათ, თუმცა სამართალდამცავი ორგანოები აღნიშნულ დირექტივას არ ექვემდებარებიან.

მედიის ცნობით, მაისში სენატის სადაზვერვო კომიტეტის მოსმენაზე აშშ-ის დაზვერვის 6 სააგენტოს წარმომადგენლებმა განაცხადეს, რომ მათთვის არაკომფორტულია ოფისებში ისეთ კომპიუტერებზე მუშაობა, რომელშიც რუსული პროგრამაა ჩაწერილი.

მიმდინარე წლის 23 აგვისტოს, აშშ-ის პრეზიდენტის მრჩეველი კიბერუსაფრთხოების საკითხებში რობ ჯოისი ამერიკელ მომხმარებლებს მოუწოდებს, ანტივირუსი „კასპერსკი“ არ გამოიყენონ.

მე არ ვიყენებ „კასპერსკის ლაბორატორიის“ პროდუქტს. ვწუხვარ, რომ რუსეთმა ჩვენს ქვეყანასთან დაკავშირებით ძალიან ბევრი რამ არასწორად გააკეთა. მათ კონტროლი და დიდი მოცულობის ინფორმაცია გააჩნიათ, რომელიც რუსეთში აღნიშნული კომპანიიდან მოდის. ეს ძალიან მაწუხებს ", - განაცხადა რობ ჯოისმა.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ