სამშაბათს 12 სექტემბერს კომპანია Apple-მა ახალი iPhone X საზოგადოებას წარუდგინა. თითის ანაბეჭდის ფუნქცია Touch ID ახალ ტელეფონს აღარ ექნება. მას ახალი, და როგორც კომპანია ამბობს, ბევრად უფრო კარგად დაცული სისტემა Face ID შეცვლის. 

რა არის Face ID და როგორ მუშაობს ის, შეგიძლიათ "იუთუბზე" ნახოთ - ახალი "აიფონის" მფლობელი ფაქტიურად ვალდებული იქნება, რომ საკუთარ სახეს სკანირება ჩაუტაროს. ამის შემდეგ ტელეფონი იმახსოვრებს მფლობელის სახეს და მორიგი "დანახვისას" ბლოკს თავისით მოხსნის. 

ამ სიახლემ, საერთაშორისო კიბერ ექსპერტებისა და უფლებადამცველების ყურადღება მიიქცია. როგორ გამოიყენებს "კუპერტინო" ამ პირად მონაცემებს უცნობია. უცნობია ისიც, შეძლებს თუ არა ის ამ მონაცემების გადმოწერას და ბაზაში ჩამატებას ტელეფონის მფლობელის ნებართვის გარეშე. ზოგიერთი IT-ექსპერტი დარწმუნებულია, რომ "ეფლი" აშშ-ის შინაგან საქმეთა სამინისტროსთანაც თანამშრომლობს და ეს მათი "ტოტალური კონტროლის" ფარგლებში გადადგმული კიდევ ერთი საერთო პროექტია.

Face ID-ს გაჩენა "ეფლს" უსაზღვრო კონტროლისა და ტიტალური მიყურადების უფლებას მისცემს, ამბობს არაკომერციული ორგანიზაცია Constitution Project-სი დირექტორი ჯეიკ ლაპერუკი, მისი მტკიცებით ამერიკული კომპანიის სიახლის მეშვეობით "აიფონის" ნებისმიერ მფლობელზე თვალთვალი გახდება შესაძლებელი.

იქნება ეს ასე, თუ Face ID მხოლოდ თქვენი კომფორტისთვის მოიგონეს რათქმაუნდა უცნობია. ზოგ ინოვაციებს მოწყურებულ მომხმარებელს ეს მოსწონს, ზოგს არც ისე, მაგრამ სამართლიანობისთვის უნდა ითქვას, რომ დაახლოებით იგივე ვნებათაღელვა ბევრად უფრო ადრე 2005 წელს NOKIA N70-მა გააჩინა, რომელშიც პირველად "სელფის" კამერა იქნა ინტეგრირებული.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო