პროექტ „აწარმოე საქართველოში“ ჩართულ კომპანიებს სახელმწიფო 30%-ის ნაცვლად 50%-ით დააფინანსებს, - ამის შესახებ საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა ჟურნალისტებს განუცხადა.

მისივე თქმით, აღნიშნული ცვლილება კომპანიების ვალდებულების გაზრდას არ გამოიწვევს.

„დღეს არსებული ვერსიით, ბაკნის მიერ დამტკიცებულ პროექტებში საბანკო სისტემის ინსტიტუტების მიერ მოთხოვნილი უზრუნველყოფის 30%-ის გარანტიას დებდა სახელმწიფო. ანუ, თუ ბანკმა კომპანიას მოთხოვა უზრუნველყოფა, ამის 30%-ის თანაგარანტირებას ახდენდა სახელმწიფო. ახალი პარამეტრების მიხედვით კი, უკვე მოთხოვნილი საგირავნო უზრუნველყოფის 50%-ის უზრუნველყოფას მოახდენს სახელმწიფო. ეს მთიანი პარამეტრების ზრდა, ვალდებულებების გაზრდას არ გამოიწვევს, ვინაიდან, ზედა ლიმიტები იგივე დარჩება. თუმცა, მცირე და საშუალო ბიზნესებისათვის იქნება გაცილებით უფრო შეღავათიანი პირობა იმისთვის, რომ ისინი ჩაერთონ პროგრამა „აწარმოე საქართველოში“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა