მდინარე გუჯარულაზე მოწყობილი ხელოვნური ავზიდან ვერტმფრენის ამოყვანის სამუშაოები მიმდინარეობს

2017-08-28 01:31:14, 2317 ნახვა

საზოგადოება

ბორჯომის ხეობაში, სოფელ დაბას მიმდებარე, მდინარე გუჯარულაზე მოწყობილი ხელოვნური ავზიდან შინაგან საქმეთა სამინისტროს სასაზღვრო პოლიციის კუთვნილი „მი-8“ ტიპის ვერტმფრენის ამოყვანის სამუშაოები მიმდინარეობს. ადგილზე იმყოფება შინაგან საქმეთა მინისტრი გიორგი მღებრიშვილიც.

შეგახსენებთ, ვერტმფრენმა წყალზე ავარიული დაშვება გუშინ განახორციელა.

„შემთხვევის ადგილზე დაუყოვნებლივ გავიდნენ სახანძრო - სამაშველო ჯგუფები და შესაბამისი სპეცტექნიკა, სასწრაფო სამედიცინო დახმარებისა და საპატრულო პოლიციის ეკიპაჟები.

პირველადი ინფორმაციით, წყლის აღების დროს, ვერტმფრენს ჩამოვარდნის საფრთხე შეექმნა. მფრინავების პროფესიონალური და ოპერატიული მოქმედების შედეგად, შესაძლებელი გახდა ვერტმფრენის დასმა, რითაც თავიდან იქნა აცილებული უდიდესი ტრაგედია. იმის გამო, რომ კალათა წყლით იყო სავსე, ავარიული დაშვება წყალზევე განხორციელდა“,-განმარტავენ შსს-ში.

პრევენციისა და შემდგომი გამოკვლევის მიზნით, ვერტმფრენში მყოფი ეკიპაჟის 3 წევრი და შსს-ს სასაზღვრო პოლიციის მეოთხე თანამშრომელი, რომელიც სამაშველო ოპერაციაში მონაწილეობდა თბილისში, სამკურნალო დაწესებულებაში გადაიყვანეს. მათ დაზიანებები არ აღენიშნებათ და კლინიკიდან გუშინვე გაწერეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები