„პარლამენტმა არ უნდა მიიღოს კანონი, რომელიც მედიასაშუალებებს  ფინანსურ დამოუკიდებლობას შეუზღუდავს“,-ამის შესახებ „თავისუფალი დემოკრატების“ ლიდერმა ირაკლი ალასანიამ  „მაუწყებლობის შესახებ“ კანონის მიღებასთან დაკავშირებით გადაცემა „არჩევანში“ განაცხადა.
ალასანიას თქმით, პოზიციების შესათანხმებლად აუცილებელია, პარლამენტის წევრებსა და მედიის წარმომადგენლებს შორის შეხვედრა გაიმართოს.
„არავითარ შემთხვევაში არ უნდა იქნას ისეთი გადაწყვეტილება მიღებული, რომელიც დამოუკიდებელ ტელევიზიებს განვითარების საშუალებას და  ფინანსური დამოუკიდებლობის  საშუალებას არ მისცემს.ბუნებრივია, სწორი ბალანსი უნდა იყოს დაჭერილი, მომხმარებლის ინტერესიც იყოს გათვალისწინებული. ეს შესაძლებელია და მგონია, რომ სწორედ დიალოგში  მედიის წარმომადგენლებსა და პარლამენტს შორის უნდა მოხდეს ასეთი, სწორი კანონის ჩამოყალიბება და მიღება“,-განაცხადა ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია