2017-07-25 10:17:37, 2352 ნახვა
საზოგადოება
დღეიდან საოკუპაციო ხაზთან სამოქალაქო პატრულირება იწყება
საოკუპაციო ხაზთან სამოქალაქო აქტივისტები დღეიდან პატრულირებას იწყებენ.
როგორც ჯომარდობის ფედერაციის პრეზიდენტმა დავით ქაცარავამ აღნიშნა, საოკუპაციო ზოლზე შეკრებები და სამოქალაქო პატრულირება პერმანენტულ ხასიათს მიიღებს.
„ეს იქნება ყოველდღიური პატრულირება, რომელიც შეთანხმებული იქნება, ბუნებრივია, ძალოვან სტრუქტურებთან. ჩვენ ამ აქციით და ჩვენი აქტივობით, მხოლოდ და მხოლოდ გვერდით ვუდგავართ ჩვენ მთავრობას. ჩვენი განწყობაა, რომ დავეხმაროთ იმ უდიდეს მისიაში და საქმეში, რასაც საქართველოს გამთლიანება და ოკუპირებული ტერიტორიების დეოკუპაცია ეწოდება“,-აღნიშნა ქაცარავამ.
ცნობისთვის, რამდენიმე დღის წინ ოკუპანტებმა სოფელ ყარაფილასთან ხნული გაავლეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
