კადეტთა სამხედრო ლიცეუმში ჩარიცხვის პროცესი დასასრულს უახლოვდება

2017-07-19 15:32:03, 1117 ნახვა

სამხედრო

სსიპ გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალში კადეტთა სამხედრო ლიცეუმში ჩასარიცხ კანდიდატთა სამხედრო სამედიცინო კომისია დაიწყო.

თავდაცვის სამინისტროს ინფორმაციით, 3 დღის განმავლობაში ლიცეუმში ჩასარიცხ კანდიდატებს სრული სამედიცინო გამოკვლევა ჩაუტარდებათ. სამხედრო-სამედიცნო კომისიას სულ 126 ბავშვი გაივლის.

გენერალ გიორგი კვინიტაძის სახელობის კადეტთა სამხედრო ლიცეუმში ჩარიცხვის პროცესს სამხედრო სამედიცინო კომისია დაასრულებს. სასწავლო დაწესებულებაში მოსახვედრად ბავშვებმა ფიზიკური მომზადების ტესტი და ზოგად უნარებში გამოცდა უკვე გაიარეს.

გენერალ გიორგი კვინიტაძის სახელობის კადეტთა სამხედრო ლიცეუმში სასწავლო პროცესი სექტემბერში განახლდება.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან