„საქართველოს სახელმწიფო ელექტროსისტემა“-მ წარმატებით დაასრულა პროექტის „ახალციხე-ბათუმის 220 კვ-იანი ორჯაჭვა ე.გ.ხ-ის მშენებლობის“ პირველი ეტაპი, რაც გულისხმობდა, ახალციხის 500/400/220 კვ-იანი ქვესადგურის ბათუმის 220 კვ-იან ქვესადგურთან დამაკავშირებელი ახალი 52 კმ-იანი ელექტროგადამცემი ხაზის მშენებლობას, რომლის საშუალებითაც შუახევის 178 მგვტ-იანი ჰიდროელექტროსადგური დაუკავშირდა ქვესადგურს „ბათუმი-220“. პროექტის ფარგლებში დამონტაჟდა 144 ანძა.

ამავდროულად, მიმდინარეობს პროექტის მეორე ეტაპი, რომელიც  ახალციხის ქვესადგურიდან შუახევამდე 92 კმ-იანი ე.გ.ხ-ის მშენებლობას ითვალისწინებს.  პროექტის ფარგლებში, ჯამში, დაგეგმილია დაახლოებით, 144 კმ. სიგრძის ორჯაჭვიანი ელექტროგადამცემი ხაზის მშენებლობა, რომელიც 398 ერთეული ანძის დადგმას გულისხმობს.

ახალი ელექტროგადამცემი ხაზი უზრუნველყოფს რეგიონში ელექტროენერგიის სტაბილურ მიწოდებას, შეამცირებს ელექტროენერგიის გათიშვის შემთხვევებს და „საქართველოს სახელმწიფო ელექტროსისტემას“ შეეძლება ქვეყნის შიგნით და  გარეთ ელექტროენერგიაზე მზარდი მოთხოვნის დაკმაყოფილება.

პროექტი ხორციელდება მსოფლიო ბანკის ფინანსური მხარდაჭერით და მისი დასრულება 2018 წელს  იგეგმება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა