2017-07-04 13:31:43, 2209 ნახვა
საზოგადოება
5-8 ივლისს საქართველოში ჰაერის ტემპერატურა დაიკლებს
გარემოს ეროვნული სააგენტოს ინფორმაციით, საქართველოს ტერიტორიაზე ამინდის გაუარესებაა მოსალოდნელი
სააგენტოს ცნობით, 4 ივლისის დღის ბოლოდან შავი ზღვის ჩრდილო-დასავლეთიდან მოსალოდნელია ჰაერის ცივი მასების გავრცელება. აღნიშნული, ზღვის სანაპირო ზოლში ჰაერის ტემპერატურის მნიშვნელოვან დაკლებას, ქარს, დროგამოშვებით ძლიერს, ზღვაზე შტორმს, ელჭექს და ნალექებს გამოიწვევს.
"5-დან 8 ივლისის ჩათვლით, საქართველოს მთელ ტერიტორიაზე ცივი ჰაერის მასების გავრცელების გამო აგრილდება, მოსალოდნელია ნალექი (უმეტესად დასავლეთ საქართველში), ზოგან ძლიერი, ელჭექი, დასავლეთის მიმართულების ძლიერი ქარი, აღმოსავლეთ საქართველოში ზოგან სეტყვა", - ნათქვამია გარემოს ეროვნული სააგენტოს ინფორმაციაშია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
