ბრიუსელმა, ნატოს შტაბ-ბინაში მორიგ თავდაცვის მინისტერიალს უმასპინძლა.

როგორც „ექსპრესნიუსს“ თავდაცვის სამინისტროდან აცნობეს, ბელგიის სამეფოში მინისტერიალზე დასასწრებად საქართველოს თავდაცვის მინისტრი ლევან იზორია იმყოფება.

უწყების ინფორმაციით, ნატოს წევრი და პარტნიორი ქვეყნების თავდაცვის მინისტრებს სიტყვით საქართველოს თავდაცვის მინისტრმა მიმართა.

ლევან იზორიამ ყურადღებას საერთაშორისო უსაფრთხოების და სტაბილურობის განმტკიცების პროცესში საქართველოს, როგორც ალიანსის სტრატეგიული და სანდო პარტნიორის,  როლზე გაამახვილა.

 მინისტრის განცხადებით, საქართველო რჩება და ინარჩუნებს ნატოს ეგიდით მიმდინარე „მტკიცე მხარდაჭერის“ მისიაში არსებულ კონტრიბუციას.

 „870 ქართველი სამხედრო მოსამსახურე  საერთაშორისო მისიის ფარგლებში ავღანეთში მსახურობს. ჩვენ იგივე რაოდენობით გავაგრძელებთ მომავალშიც ამ კონტრიბუციას, რათა ჩვენს პარტნიორებთან ერთად  უსაფრთხოება საერთაშორისო დონეზე უზრუნველვყოთ. დღეს გლობალურ სამყაროში საერთაშორისო უსაფრთხოების უზრუნველყოფა საკუთარი ქვეყნის უსაფრთხოებისთვის გადადგმულ მნიშვნელოვან ნაბიჯს ნიშნავს და განსაკუთრებით ნატოს ეგიდით ამ ნაბიჯების გადადგმა  საქართველოს მოუტანს მეტ უსაფრთხოებას, ნატოსთან მეტ თავსებადობას“, - აღნიშნა ლევან იზორიამ.

ლევან იზორიამ  „მტკიცე მხარდაჭერის“ მისიის ფორმატში დაგეგმილ ნატოს წევრი და პარტნიორი ქვეყნების თავდაცვის მინისტრების შეხვედრაში მონაწილეობა  მიიღო, რომელიც ალიანსის გენერალურმა მდივანმა იენს სტოლტენბერგმა გახსნა.

ნატოს თავდაცვის მინისტერიალის ფარგლებში, ლევან იზორიამ ორმხრივი შეხვედრები შვედ და ფინელ კოლეგებთან - პიტერ ჰულტქვისტთან და იუსი ნიინისტოსთან გამართა, სადაც გადაწყდა, რომ ორივე მინისტრი საქართველოს სექტემბერში ეწვევა.

 ნატოს შტაბ-ბინაში ლევან იზორია ლიტვის თავდაცვის მინისტრს რაიმუნდას კარობლისსაც შეხვდა.

ლიტველი კოლეგის მიწვევით, ლიტვის რესპუბლიკაში სექტემბრის ბოლოს საქართველოს თავდაცვის მინისტრის ვიზიტი დაიგეგმა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

როიტერი: რუსეთმა და უკრაინამ პირადად გამოხატეს მზადყოფნა ტერიტორიული გაცვლისთვის

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია