პირველად საქართველოში, სტრატეგიული კომუნიკაციების შესახებ არსებული დეფიციტური ცოდნა ხელმისაწვდომი გახდება ფართო აუდიტორიისთვის. 

პირველად საქართველოში, "სტრატეგიული კომუნიკაციების ცენტრი - საქართველო" საჯარო და არასამთავრობო ასევე, კერძო სექტორის წარმომადგენლებს აძლევს უნიკალურ შანსს საიმონ ვესტის მასტერკლასს სტრატეგიულ კომუნიკაციებში, თანამედროვე საინფორმაციო გარემოში პროპაგანდის, დეზინფორმაციის და Fake-ნიუსების სამყაროში ეფექტური კომუნიკაციის ორგანიზებაზე.

საიმონ ვესტი (Simon West O.B.E.) - ბრიტანეთის შეიარაღებული ძალების ვიცე-პოლკოვნიკია, ოცდაათწლიანი სამხედრო კარიერით. ის სტრატეგიული კომუნიკაციების ექსპერტია, რომელიც 2015 წელს, ძალადობრივი კონფლიქტის თავიდან აცილების საქმეში შეტანილი განსაკუთრებული წვლილისთვის, დიდი ბრიტანეთის დედოფალმა უმაღლესი ორდენით, "ბრიტანეთის იმპერიის წარჩინებული ოფიცრის წოდებით" დააჯილდოვა. 15 წლის განმავლობაში სხვადასხვა გადაცემაში სამხედრო ექსპერტის სტატუსით გვევლინებოდა.

საიმონ ვესტმა ნატოს სტრატეგიული კომუნიკაციების სრულყოფის ცენტრში, როგორც ოპერაციების მთავარმა მხარდამჭერმა, ახლახანს დაასრულა ორწლიანი როტაცია. როტაციის პერიოდში მის პასუხისმგებლობაში ნატოს წევრ და პარტნიორ ქვეყნებში საქართველოს, უკრაინისა და მოლდოვის ჩათვლით, ოპერატიული დონის მხარდაჭერა, კონსულტირება და ტრენინგები შედიოდა. ამჟამად იგი, საინფორმაციო აქტივობების მიმართულებით, გაერთიანებული სამეფოს თავდაცვის სამინისტროს მრჩეველია.

საიმონ ვესტი (Simon West O.B.E. ) ერთ-ერთი პირველი სტრატეგიული კომუნიკაციების მრჩეველი იყო 2008 წელს, ავღანეთში. მუშაობდა ყანდაჰარშიც, სამხრეთ სარდლობის რეგიონული შტაბში, აგრეთვე სამხრეთ ავღანეთში ამერიკის შეერთებული შტატების ცენტრალურ სარდლობაში, სადაც გენერალ ჯეიმს მატისის მთავარი „ბრიფერი“ იყო. სწორედ საიმონ ვესტს უკავშირდება ნატოს სახმელეთო ოპერაციების დოქტრინის გადამუშავება და განახლება.

ამდენად, "სტრატეგიული კომუნიკაციების ცენტრი-საქართველოს" მიზანია, ხელი შეუწყოს საქართველოში სტრატეგიული კომუნიკაციების შესახებ დასავლური გამოცდილებისა და ცოდნის გაზიარებას.

დეტალური ინფორმაცია ღონისძიების შესახებ შეგიძლიათ იხილოთ აღნიშნულ ბმულზე - https://goo.gl/d8sqp5 ასევე ინფორმაცია კურსზე რეგისტრაციის შესახებ-  https://goo.gl/forms/aMzTESCV7KsWmzvG3

ტრენინგის ხანგრძლივობა: 6 სთ - ტრენინგის ღირებულება: 150 ლარი - ტრენინგის ჩატარების თარიღი: 22 ივლისი- განაცხადის შეტანის ბოლო ვადაა: 15 ივლისი  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე

იოზვიაკი: ევროკავშირი საქართველოსთან პოლიტიკური დიალოგის განახლებას აზრს ვერ ხედავს

ევროკომისიის სპიკერი: ტექნიკური დონის შეხვედრა იყო, ხელისუფლებას ანგარიში წარედგინება

თიბისის ბიზნესგანათლების პროგრამაში, მაისის თვეში,  500-ზე მეტი მეწარმე ჩაერთო