საქართველოს ინტელექტუალური საკუთრების ეროვნულმა ცენტრმა დაარსებიდან 25 წლის აღსანიშნავად საერთაშორისო კონფერენცია „ინტელექტუალური საკუთრების გამოყენება ეკონომიკური განვითარებისთვის“ კონფერენცია გამართა.

კონფერენციაზე სიტყვით გამოსვლისას, სოფლის მეურნეობის მინისტრმა ლევან დავითაშვილმა აღნიშნა, რომ თანამედროვე სოფლის მეურნეობის განვითარება ცალსახად დაკავშირებულია ინოვაციებთან.

„ინტელექტუალური საკუთრების ეფექტიანი გამოყენებისთვის მთავარი ინსტრუმენტი კანონმდებლობა და სწორი ადმინისტრირებაა. გეოგრაფიული აღნიშვნების გამოყენება მეტ ღირებულებას სძენს პროდუქტს და მნიშვნელოვანია ეკონომიკის განვითარებისთვის. სახელმწიფო მხრიდან ქართული პროდუქციის ცნობადობის შექმნის მიზნით სხვადასხვა აქტივობა ხორციელდება. ჩვენ ვახდენთ ბაზრების დივერსიფიკაციას, ვდებთ ინვესტიციას ბაზრებზე რეპუტაციის შექმნისთვის, ვახორციელებთ პრომოუშენს, რითაც ბიზნესსექტორს მეტ შესაძლებლობებს ვაძლევთ“, - განაცხადა ლევან დავითაშვილმა.

დამსწრე საზოგადოებას მისასალმებელი სიტყვით მიმართეს ინტელექტუალური საკუთრების ეროვნული ცენტრის „საქპატენტი“ თავმჯდომარემ ნიკოლოზ გოგილიძემ, ინტელექტუალური საკუთრების მსოფლიო ორგანიზაციის (WIPO) გენერალური დირექტორის მოადგილემ ჯონ სენდეიჯმა, განათლებისა და მეცნიერების მინისტრის მოადგილემ თემურ მურღულიამ, ჩინეთის სახალხო რესპუბლიკის მრეწველობისა და ვაჭრობის სახელმწიფო ადმინისტრაციის (SAIC) მინისტრის მოადგილემ გან ლინიმ და საპარტნიორო ფონდის აღმასრულებელმა დირექტორმა დავით საგანელიძემ.

კონფერენცია ინტელექტუალური საკუთრების მსოფლიო ორგანიზაციის (WIPO) მხარდაჭერით გაიმართა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი სავიზო დიალოგზე: პოზიციები გავცვალეთ, ვნახოთ, მოვლენები როგორ განვითარდება

კობახიძე: ნანუკა ჟორჟოლიანის წინ წამოწევაც ოპოზიციის უმძიმეს მდგომარეობაზე მეტყველებს

კობახიძე: ჩავკეტეთ შანტაჟის ყველა გზა, დარჩა თეორიული ინსტრუმენტი - ვიზალიბერალიზაცია

„ტოიოტა ცენტრი თეგეტამ“ Toyota Ichiban-ის ჯილდო უკვე მეორედ მოიპოვა