აზერბაიჯანის გენერალური პროკურატურის განცხადებით, აზერბაიჯანელი ჟურნალისტი აფგან მუხტარლი აზერბაიჯანულ და ქართულ სპეცსამსახურებს ერთობლივად არ დაუკავებიათ.

როგორც უწყების განცხადებაშია ნათქვამი, აზერბაიჯანელი დეპუტატის ელმან ნასიროვის ამ თემაზე გაკეთებული განცხადება, რომელიც მედიით გავრცელდა, სიმართლეს არ შეესაბამება.

აზერბაიჯანელი სამართალდამცველები აღნიშნავენ, რომ ​მუხტარლი 29 მაისს საქართველოდან აზერბაიჯანში გადასვლისას, საზღვრის უკანონოდ გადაკვეთის დროს დააკავეს.

„როგორც ადრე აღინიშნა, წინასწარი გამოძიების შესაბამისად, აზერბაიჯანის მოქალაქე აფგან მუხტარლი საქართველოს მხრიდან სახელმწიფო საზღვრის გადაკვეთისას, ბალაკენის რაიონში 29 მაისს, 22:40 საათზე დააკავეს, რომელსაც არ აღმოაჩნდა პირადობის დამადასტურებელი მოწმობა. ის არ დაემორჩილა სახელმწიფო საზღვრის დამცველთა კანონიერ მოთხოვნებს და გაქცევის მცდელობისას, დააკავეს.

ზოგიერთი მედიასაშუალების მიერ გავრცელებული ინფორმაცია, თითქოს მუხტარლი სპეცსამსახურების თანამშრომლებმა თბილისში დააკავეს, შემდეგ კი აზერბაიჯანულ მხარეს გადასცეს, არ შეესაბამება სინამდვილეს და საზოგადოების შეცდომაში შეყვანას ისახავს მიზნად“, - აღნიშნულია პროკურატურის განცხადებაში.

აზერბაიჯანის გენერალური პროკურატურა საქმეზე გამოძიებას განაგრძობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი სავიზო დიალოგზე: პოზიციები გავცვალეთ, ვნახოთ, მოვლენები როგორ განვითარდება

კობახიძე: ნანუკა ჟორჟოლიანის წინ წამოწევაც ოპოზიციის უმძიმეს მდგომარეობაზე მეტყველებს

კობახიძე: ჩავკეტეთ შანტაჟის ყველა გზა, დარჩა თეორიული ინსტრუმენტი - ვიზალიბერალიზაცია

„ტოიოტა ცენტრი თეგეტამ“ Toyota Ichiban-ის ჯილდო უკვე მეორედ მოიპოვა