„რეპორტიორები საზღვრების გარეშე“: საქართველოს მთავრობამ, სხვა აზერბაიჯანელ აქტივისტებს, უსაფრთხოების გარანტია უნდა მისცეს

2017-06-01 16:31:03, 1791 ნახვა

საზოგადოება

არასამთავრობო ორგანიზაცია "რეპორტიორები საზღვრების გარეშე" აზერბაიჯანელი ჟურნალისტის აფგან მუხთარლის საქმესთან დაკავშირებით განცხადებას ავრცელებს.

როგორც განცხადებაშია აღნიშნული, ქართულმა მხარემ სხვა აზერბაიჯანელ აქტივისტებს, უსაფრთხოების გარანტია უნდა მისცეს.

"საქართველოს მთავრობამ აუცილებლად უნდა განმარტოს თუ რა მოუვიდა მუხთარლის და მისცეს უსაფრთხოების გარანტია საქართველოში მყოფ სხვა აზერბაიჯანელ აქტივისტებს.

იმის მიუხედავად, რომ აფგან მუხთარლი აზერბაიჯანის სპეცსამსახურებმა გაიტაცეს, თუ ქართულმა უსაფრთხოების სამსახურმა შეუწყო ხელი აზერბაიჯანის რეჟიმს ჩანაფიქრის განხორციელებაში, ეს საკმაოდ სახიფათო ფაქტია.

მოვითხოვთ, რომ აფგან მუხთარლი, ვინც ამჟამად წამებისა და არაადამიანური მოპყრობის რისკის ქვეშაა, დაუყოვნებლივ გაათავისუფლონ. ილჰამ ალიევის რეჟიმმა კიდევ ერთხელ გვიჩვენა, რომ საკუთარ საზღვრებს მიღმაც შესწევს უნარი პრობლემები შექმნას. დროა მათ ქმედებებს შესაბამისი სიმკაცრით ვუპასუხოთ", - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან