აღსრულების პოლიციამ პროფესიული დღე აღნიშნა

2017-05-31 16:29:07, 2224 ნახვა

საზოგადოება

აღსრულების ეროვნული ბიუროს თავმჯდომარემ აღსრულების პოლიციის თანამშრომლებს პროფესიული დღესასწაული მიულოცა. პოლიციის დღე იოსებ ბაღათურიამ აღსრულების ეროვნული ბიუროს თანამშრომლებთან და აღსრულების პოლიციელებთან ერთად აღნიშნა. ბიუროს ხელმძღვანელმა პოლიციის სამმართველოს თანამშრომლებს ამ დღის აღსანიშნავად სპეციალური ჯილდოები და მადლობის სიგელები გადასცა.

იოსებ ბაღათურიამ აღსრულების ბიუროს 10 პოლიციელს სპეციალური სახელმწიფო წოდება მიანიჭა, ხოლო 8 პოლიციელს განსაკუთრებული სირთულის სამუშაოს სანიმუშოდ შესრულებისთვის მადლობა გამოუცხადა.

აღსრულების ეროვნული ბიუროს აღსრულების პოლიციის სამმართველოში 42 პოლიციელი მსახურობს. მათ შორის ორი ქალია.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან