ახალი პროფესიების შეძენის შანსი და დასაქმების შესაძლებლობები - სახელმწიფო მომზადება-გადამზადების პროგრამის ახალ ეტაპს იწყებს.

ჯანდაცვის სამინისტროს ინფორმაციით, ივნისიდან სოციალური მომსახურების სააგენტოში იმ პირების რეგისტრაცია დაიწყება, რომელთაც ახალი პროფესიის შეძენა, ან თავისივე პროფესიაში გადამზადება სურთ.

სახელმწიფო ვაუჩერულად დააფინანსებს მათ 2-4 თვიან სწავლებას პროფესიულ კოლეჯებში. სამუშაოს მაძიებლებს და არა მარტო მათ, შესაძლებლობა ექნებათ შრომის ბაზარზე მოთხოვნად 98 პროფესიაში გადამზადნენ.

რამდენად მზად არიან კერძო თუ სახელმწიფო პროფესიული სასწავლებლები პროგრამაში ჩასართავად - ამ თემაზე სოციალური მომსახურების სააგენტოს დირექტორი ზაზა სოფრომაძე სააგენტოს სხვა ხელმძღვანელ პირებთან ერთად პროფესიული სასწავლებლების წარმომადგენლებს შეხვდა.

მომზადება-გადამზადების პროგრამაში ჩართვის სურვილი 50-ზე მეტმა სასწავლებელმა გამოთქვა. პროგრამის ბიუჯეტი წელს 2 მლნ 14 ათასი ლარია და სააგენტო გეგმავს, წლის ბოლომდე მსურველების 2 ნაკადი დააკმაყოფილოს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: რუსთავში ჩხუბისას კაცი წაიქცა, დაზიანება მიიღო, გარდაიცვალა - დაკავებულია 5 პირი

Freedom House: აშშ-სთან ურთიერთობის გადატვირთვა პატიმრების გათავისუფლების გარეშე არ მოხდება

დონალდ ტრამპი - აშშ დღეს ღამით ძალიან ძლიერად დაარტყამს ირანს

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ