საქართველოს იუსტიციის სასწავლო ცენტრში ხვალ, 09:30 საათზე, ნარკოტიკებისა და ნარკომანიის მონიტორინგის ცენტრი (EMCDDA) იუსტიციის სამინისტროს თანამშრომლობით კონფერენციას გამართავს. კონფერენციას იუსტიციის მინისტრი თეა წულუკიანი გახსნის. მას შს მინისტრის პირველი მოადგილე ლევან იზორია დაესწრება.

კონფერენციაში მონაწილეობას მიიღებენ ექსპერტები საქართველოდან, ბელარუსიდან, უკრაინიდან, ისრაელიდან, აზერბაიჯანიდან, უნგრეთიდან, მოლდოვადან, პოლონეთიდან და ხორვატიიდან. 

კონფერენციის მიზანია ახალ ფსიქოაქტიურ ნივთიერებებთან დაკავშირებული  გამოცდილების გაზიარება და ინფორმაციის გაცვლა.  მონაწილეები გაეცნობიან   ევროპის ადრეული გაფრთხილების სისტემას, რომელიც უზრუნველყოფს ახალი ფსიქოაქტიური ნივთიერებების გამოვლენას, მათ მიერ გამოწვეული რისკების შეფასებას და სათანადო კონტროლის მექანიზმების გატარებას.

ნარკოტიკებისა და ნარკომანიის მონიტორინგის ცენტრი  ევროკავშირის ნარკომანიასთან ბრძოლის სააგენტოს წარმოადგენს. მასთან თანამშრომლობა  ევროკავშირსა და საქართველოს შორის სავიზო რეჟიმის ლიბერალიზაციის სამოქმედო გეგმით გათვალისწინებული ერთ-ერთი მიმართულებაა. უახლოეს მომავალში  ქართულ მხარესა და ნარკოტიკებისა და ნარკომანიის მონიტორინგის ევროპულ ცენტრს შორის თანამშრომლობის გაღრმავების მიზნით ხელი მოეწერება ურთიერთგაგების მემორანდუმსაც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი - ირანიდან დაბრუნებული ამერიკული ფლოტი კუბაზე თითქმის მაშინვე კონტროლს აიღებს

ფორმულა 1-ის ყოფილი მრბოლელი და სამგზის პარაოლიმპიური ჩემპიონი ალესანდრო ზანარდი გარდაიცვალა

მარჯანიშვილის თეატრიდან მსახიობი ირაკლი ჩოლოყაშვილი და ეკა ნიჟარაძე გაუშვეს

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით