საქართველოს ეროვნული ოლიმპიური კომიტეტის წინააღმდეგ საქმეზე მომდევნო მოსამზადებელი სხდომა ხვალ გაიმართება.

პროცესზე მოსარჩელე ირაკლი მეძმარიაშვილის ადვოკატი როინ მიგრიაული დამატებით მტკიცებულებებს წარადგენს.

მოსარჩელე მხარე ასევე დააყენებს შუამდგომლობას კონკრეტული მოწმის დაკითხვის შესახებ, რომელიც ადვოკატის ინფორმაციით, საქმესთან დაკავშირებით მნიშვნელოვან ინფორმაციას ფლობს.

„ჩვენი მიზანია მოსამზადებელი სხდომა მალე დასრულდეს და საქმის არსებით განხილვაზე დროულად გადავიდეთ. წინა სასამართლო პროცესზე მოსამართლემ კონკრეტული ოქმების სეოკიდან გამოთხოვის შესახებ შუამდგომლობა არ დაგვიკმაყოფილა, რის შემდეგაც ჩვენ თავად მოვიპოვეთ ეს ოქმები საჯარო რეესტრიდან. სწორედ ამ ოქმებს წარვუდგენთ მოსამართლე თამარ ჭუნიაშვილს და შუამდგომლობით მივმართავთ საქმეს თან დაურთოს“,- აღნიშნა როინ მიგრიაულმა.

სეოკ-ის 2016 წლის 23 დეკემბრის არჩევნებს არალეგიტიმურს უწოდებს პრეზიდენტობის კანდიდატი ირაკლი მეძმარიაშვილი, რომელიც მოითხოვს გაბათილდეს ყრილობის შედეგები და ჩატარდეს ვადამდელი საპრეზიდენტო არჩევნები.

საქმეზე ორი სასამართლო სხდომა უკვე გაიმართა, რომელზეც მოსარჩელე ირაკლი მეძმარიაშვილის რამდენიმე შუამდგომლობა დაკმაყოფილდა.

მოსამართლე თამარ ჭუნიაშვილმა სეოკ-ში ექვსი ორგანიზაციის გაწევრიანების ოქმების მტკიცებულებად დართვის შესახებ შუამდგომლობა დააკმაყოფილა, რომლებმაც მოსარჩელის მტკიცებით, 2016 წლის საპრეზიდენტო არჩევნებში არალეგიტიმურად მიიღეს მონაწილეობა.

მოსამართლემ ასევე დააკმაყოფილა შუამდგომლობა, საქმეს თან დაერთოს ფაქტების კონსტანტაცია. თუმცა, სასამართლომ მიზანშეწონილად არ მიიჩნია მოსარჩელის მოთხოვნა, საქმეს თან დაერთოს სეოკი-ც 136 სუბიექტის შესახებ ინფორმაცია.

მოსამზადებელ სხდომაზე ირაკლი მეძმარიაშვილის ადვოკატმა როინ მიგრიაულმა კიდევ ერთი შუამდგომლობა დააყენა, რომელიც რეგიონულ ორგანიზაციებს ეხება. აღნიშნულის განსახილველად სასამართლომ და მოპასუხე მხარემ დრო მოითხივეს. გადაწყვეტილება 25 მაისს ჩანიშნულ სხდომაზე გამოცხადდება.

მოსამზადებელი სხდომა 25 მაისს, 14:00 საათზე, თბილისის საქალაქო სასამართლოში გაიმართება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია