2017-05-24 11:55:38, 2499 ნახვა
საზოგადოება
სოციალურ ქსელში ვიდეო გავრცელდა, რომლის სავარაუდო მონაწილე ლაშა თორდიაა
სოციალურ ქსელში, ერთ-ერთმა მომხმარებელმა თბილისის ერთ-ერთ ბარში სამეთვალყურეო კამერებით გადაღებული ვიდეო გაავრცელა.
ვიდეოს ავტორის მტკიცებით, მასზე ასახულ კადრებში გენერალური აუდიტორი ლაშა თორდია ბარის თანამშრომელს იარაღით ემუქრება. მისივე თქმით, დაპირისპირების მიზეზი მუსიკის ხმა გახდა. ვიდეოს ავტორი წერს, რომ ლაშა თორდიას გაღიზიანება მუსიკის ხმის აწევის შესახებ მისივე თხოვნამ გამოიწვია, რომელზეც სავარაუდოდ ბარის თანამშრომლებმა უარით უპასუხეს.
ვიდეომასალა რამდენიმე საათის წინ გავრცელდა. კადრები სავარაუდოდ, 2016 წლის 24 დეკემბერს არის გადაღებული.
გენერალურ აუდიტორს გავრცელებულ კადრებთან დაკავშირებთ კომენტარი ჯერჯერობით არ გაუკეთებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
