2017-05-17 10:27:56, 1904 ნახვა
საზოგადოება
მთავრობის ადმინისტრაციასთან უსაფრთხოების ზომები გაძლიერებულია
მთავრობის ადმინისტრაციასთან ლგბტ თემის წარმომადგენლები და მათ უფლებებზე მომუშავე ორგანიზაციები მშვიდობიანი აქციის დასაწყებად ემზადებიან.
აქცია ჰომოფობიასთან და ტრანსფობიასთან ბრძოლის საერთაშორისო დღესთან დაკავშირებით იმართება და მისი ლოზუნგია - „ნუ დადგები ძალადობის მხარეს“.
აქციის მონაწილეთა უსაფრთხოების მიზნით, მთავრობის ადმინისტრაციის მიმდებარე ტერიტორიას პოლიცია იცავს. სამართალდამცველებს კორდონი აქვთ გაკეთებული და ტერიტორიაზე შესვლა შეზღუდულია. ისინი ადმინისტრაციის შენობასთან მხოლოდ აქციის მონაწილეებს და მედიის წარმომადგენლებს უშვებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
